Зындгонд куыд у, афтӕмӕй ацы бонты 80 азы сӕххӕст зындгонд поэт, ахуыргонд ӕмӕ ӕхсӕнадон архайӕг Джыккайты Шамилы райгуырдыл. Уыцы зӕрдылдарӕн цауы кадӕн алыхуызон номарӕн мадзӕлттӕ арӕзт цӕуынц Цӕгат ӕмӕ Хуссар Ирыстоны.
Уыдонӕй иу уыд, Хуссар Ирыстоны паддзахадон университеты цы наукон конференци сарӕзтой, уый дӕр.
Республикӕйы наукон ӕхсӕнад ӕмӕ университеты студенттӕй уӕлдай конференцийы кадджын уазджытӕ уыдысты Хуссар Ирыстоны Президент Бибылты Анатоли ӕмӕ Парламенты Сӕрдар Тадтаты Алан.
Конференцийы архайджытӕ цы докладтӕ бацӕттӕ кодтой, уыдоны ирдӕй равдыстой Джыккайы-фырты сфӕлдыстадон, наукон ӕмӕ ӕхсӕнадон архайд, йӕ поэтикон уацмысты хӕдбындурдзинад…
Филологон наукӕты кандидат Плиты Гацыр йӕ раныхасы куыд фӕнысан кодта, афтӕмӕй Шамилӕн йӕ сӕйрагдӕр хъомыс уыд дзырд — уый тыххӕй йемӕ быцӕу кодтой, уый азарӕй фӕстӕдӕр йӕ цард дӕр аскъуыд. «Джыккайы-фырт цы наукон-иртасӕн куыстытӕ ныууагъта, уыдон абон дӕр сты ахсджиаг ӕмӕ хъӕугӕ», — бафиппайдта Плиты Гацыр.
(Информацион агентад «Осинформ»)
