Цæгат Ирыстоны дзæбæхгæнæндæттæм бахауæг коронавирусæй рынчынты нымæцыл кæй бафтыд, уый фæдыл Республикæйы клиникон рынчындоны сæйраг дохтыр МИТЦИТЫ Астан зæгъы:
— Алыхуызон бæстæты статистикон бæрæггæнæнтæ куыд æвдисынц, афтæмæй иуæй-иу бонты коронавирусæй рынчынты нымæц цæхгæр фæфылдæр вæййы, иннæ бонты та дæлæмæ æрцæуы. Санитарон-эпидемиологон нормæтæ бæстон куы æххæст кæнæм, уæд нын уыдзæн низæй нæхи бахизыны фадат. Æхгæд бæстыхæйтты æмæ, адæм бирæгæйттæй кæм æмбырд кæнынц, ахæм рæтты уæвгæйæ, маскæтæй пайда кæнын хъæуы. Адæймагыл андзæвыны фæстæ уæ къухтæ æхсыныл архайут. Ацы хуымæтæджы домæнтæ æххæст кæнгæйæ, низæй нæхи бахиздзыстæм.
Фиппаинаг: ивгъуыд суткæйы дæргъы Республикæйы клиникон рынчындонмæ бафтыд улæфæнты низæй сæйæг 10 адæймаджы.
