Дзӕбӕхгӕнӕндӕттӕ бабӕрӕг кодтой

0
292

Ӕппӕтуӕрӕсеон адӕмон фронты цӕгатирыстойнаг активисттӕ ӕмӕ журналисттӕ Ӕрӕфы ӕмӕ Ӕрыдоны районты центрон рынчындӕтты разамонджытимӕрадон цӕстдарӕн рейд скодтой фелсырон-акушерон кусӕндӕттӕ ӕмӕ амбулаторитӕм.

Куыд рахатыдтой, афтӕмӕй Красногоры амбулаторимӕ бацӕуӕны раз ӕмбонд нӕй, Советон поселочы фелсырон-акушерон кусӕндонмӕ ‘ввахс ран та фӕндаг раууатмӕ ӕрцыд. Адӕмон фронты активисттӕ цы аиппытӕ бафиппайдтой, уыдон барвыстой районты администрацитӕ ӕмӕ нӕ республикӕйы ӕнӕниздзинад хъахъхъӕнынады министрадмӕ.

Ӕртӕ мӕйы размӕКрасногоры байгомамбулатори. Фыццагӕххуыс бакӕнынӕн ифтонггонд у ӕппӕт медицинон кусӕнгӕрзтӕй дӕр. Цалцӕг ӕй хорз скодтой, фӕлӕ дзы аиппытӕ дӕр ис: интернет дзы нӕ кусы, амбулаторимӕ ‘ввахс фӕзӕмбондӕйнӕ сӕхгӕдтой, ӕмӕ йӕм хӕдзарон фос цӕуынц.

— Цы аив къутӕртӕ дзы ныссагътам, уыдон хъуццытӕцалдӕр бонмӕ бахордтой, — хъаст кӕнынц амбулаторийы кусджытӕ.

Ӕрӕфы районы Советон поселочы фелсырон-акушерон кусӕндон ӕрдӕгарӕзт у. Аразджытӕ дзы кӕнынц къулсӕрдӕн ӕмӕ ӕндӕр куыстытӕ. Йӕ алыварс фӕзуат дӕр аивгонд ӕрцӕудзӕн (фӕндаджы уӕлцъар баивынпроектмӕ нӕ бахастой).

— Медицинон кусӕндӕттӕм бацӕуӕн фӕндӕгты уавӕрмӕ нӕ цӕстдарӕм. Райдайӕны аразджытӕн фӕндаг сцалцӕг кӕныны куыстнӕ бахӕс кодтой, ӕмӕ районы администрацийӕн бафӕдзӕхстам ацы фарстмӕ се ‘ргом аздахын ӕмӕ фелсырон-акушерон кусӕндонмӕ ӕнцонӕй бацӕуынӕн фадӕттӕ саразын, — загъта Адӕмон фронты цӕгатирыстойнаг ӕххӕсткомы разамонӕг Гӕлиты Клим.

Адӕмон фронты эксперттӕ бабӕрӕг кодтой, дыууӕ азы размӕ Толдзгуыны цы фелсырон-акушерон кусӕндон арӕзт ӕрцыд, уыйдӕр. Куыд рабӕрӕг, афтӕмӕй медицинон кусӕнгӕрзтӕ ӕмӕ хостӕй ӕххӕстӕй ифтонггонд нӕу

— Адӕмӕн медицинон ӕххуысӕйспайда кӕныны фадат ис ӕви нӕ, уый рӕстӕгӕй-рӕстӕгмӕ сбӕрӕг кӕнӕм. Амӕй размӕ Горӕтгӕрон ӕмӕ Рахизфарсы районты дзӕбӕхгӕнӕндӕттӕ бабӕрӕг кодтам ӕмӕ хъӕндзинӕдты тыххӕй хъусынгӕнинӕгтӕ ӕнӕниздзинад хъахъхъӕнынады министрадмӕ барвыстам. Ныридӕгӕн аиппытӕн сӕ иухай иуварсгонд ӕрцыд. Ныры инспекцион балцы ӕрмӕджытӕ дӕр профилон министрад ӕмӕ районты администрацитӕм барвыстам. Хицауиуӕггӕнӕг адӕймӕгтӕ нын ӕвӕстиатӕй дзуапп кӕй ратдзысты, ууыл нӕ зӕрдӕ дарӕм, — зӕгъы Гӕлийы-фырт.

Бӕдтиаты Оксанӕ

ОСТАВЬТЕ ОТВЕТ

Please enter your comment!
Please enter your name here