Цӕгат Ирыстоны Ахуырад ӕмӕ наукӕйы министрадыкадджын ӕмбырдыхӕрзиуджытӕ радтой ӕвзонг чиныгкӕсджыты ӕппӕтуӕрӕсеон конкурс «Удӕгас классикӕ»-йы республикон хайы уӕлахиздзаутӕн ӕмӕ ӕппӕтуӕрӕсеон ӕхсӕнадон-паддзахадон фӕндон «Зынг зӕрдӕ»-йы лауреаттӕн.
Нӕ республикӕйы ахуырад ӕмӕ наукӕйы министры хӕдивӕг Алыккаты Алан лауреаттӕн зӕрдиаг арфӕ ракодта.
Ӕппӕты разӕй дипломтӕ ӕмӕ кубоктӕ радтой конкурс «Удӕгас классикӕ»-йы республикон хайы уӕлахиздзаутӕ Суменаты Елизаветӕйӕн, Маринӕ Димтренко ӕмӕ Хынцӕгты Хетӕгӕн.
Фиппаинаг: конкурс «Удӕгас классикӕ» аразын цы аз райдыдтой, уыцы азӕй нырмӕ фыццаг хатт Цӕгат Ирыстоны минӕвар Суменаты Елизаветӕйы бахастой Уӕрӕсейы дӕс хуыздӕр чиныгкӕсӕджы номхыгъдмӕ.
— Нӕ республикӕйы цӕрынц канд курдиатджын ӕмӕ зонындзинӕдтӕм тырнӕг нӕ, фӕлӕ, цыфӕнды афон дӕр фӕкӕсинаг адӕймагӕн баххуыс кӕнынмӕцӕттӕ чи у, ахӕм хъӕбатыр сывӕллӕттӕ дӕр. Ацы фӕсивӕд систы ӕппӕтуӕрӕсеон ӕхсӕнадон-паддзахадон фӕндон «Зынг зӕрдӕ»-йы лауреаттӕ. Ацы фӕндоныл цӕуы авд азы. Уыцы рӕстӕгмӕ фӕндоны лауреаттӕ суӕвӕг мин ӕмӕ ссӕдз уӕрӕсейаг сывӕллонӕй фынддӕс сты цӕгатирыстойнӕгтӕ. Ацы аз дӕр нӕм лауреаттӕ фӕзынд. Хъыгдардбаййафджытӕн ӕххуыс кӕныны рӕстӕг хъӕбатырдзинад ӕмӕ фӕразондзинад равдисыны тыххӕй елхотаг Гуырцъыты Тамерлан, камбилевскӕйаг Тедеты Геннади ӕмӕ алагираг Фӕрниаты Георги хӕрзиуджытӕ райсдзысты, —загъта Алыккайы-фырт.
Ацы фӕндоны лауреаттӕн радтой риуылдаргӕ нысантӕ. Ӕппӕт лауреатты сгуыхтдзинӕдты тыххӕйбакӕсӕн ис «Зынг зӕрдӕ-2020»-ӕн кадгӕнӕг чиныджы.
Мӕргъиты Жаннӕйы разамындӕй Цӕгат Ирыстоны ӕхсӕнадон организаци «Сывӕллӕттӕ ӕмӕ ӕнахъомты организацийы цӕдис» ссис «Активон граждайнаг позицийы ӕмӕ социалон уагӕй ахадгӕ фӕндӕтты ӕххӕсткӕнынады тыххӕй» номинацийы лауреат.
Фиппаинаг: ацы аз 85 уӕрӕсейаг регионӕй ӕмӕ 9 фӕсарӕйнаг паддзахадӕй ацы фӕндоны оргкомитетмӕ хӕрзиуджытӕ раттыны фӕдыл бацыд 973 куырдиаты. Хӕрзиуӕгдӕттӕг къамисы ӕмбырды бӕрӕггӕнӕнтӕм гӕсгӕ бӕлвырдгонд ӕрцыдыстыӕппӕтуӕрӕсеон фӕндоны 185 лауреаты (уыимӕ — 10 ӕхсӕнадон иугонды). 7 адӕймагӕн хӕрзиуджытӕ радтой сӕ адзалы фӕстӕ.
Гӕлӕуты Наталья
