Систы колледжы студенттӕ

0
249

Хӕххон-металлургон институты Бирӕфадатджын профессионалон колледжы къуырисӕры уыдис кадджын фембӕлд. Институты Кады мемориалмӕ ӕрӕмбырд сты ӕртӕсӕдӕ студенты ӕмӕ байхъуыстой институты ректор Юрий Дмитракмӕ, ныййарджытӕ ӕмӕ ахуыргӕнджытӕм.

Юрий Дмитрак куыд радзырдта, афтӕмӕй студенттӕн «сӕ хъул сах абадт». Колледж каст куы фӕуой, уӕд дарддӕр ахуыр кӕндзысты университеты. Студентты ныййарджыты номӕй институт ӕмӕ колледжы разамындӕн бузныг загъта Козаты Аделинӕ. Сӕ дарддӕры фӕндаг равзаргӕйӕ, ныр ацы фӕсивӕд систы Хӕххон-металлургон институты иу хай. Иутӕ скъолайы фараст азы сахуыр кӕнгӕйӕ,  систы студенттӕ, иннӕтӕ та —райстой цӕттӕдзинады аттестат.

Фидӕны йӕхи барадхъахъхъӕнӕг оргӕнты уыны Олег Старунов, йӕ хъуыдымӕ гӕсгӕ, йӕ бон колледжы суыдзӕн фаг зонындзинӕдтӕ райсын, цӕмӕй  Хӕххон-металлургон институты юридикон факультеты дарддӕр сахуыр кӕна. Кӕд колледж нырма дыккаг аз кусы, уӕддӕр йӕхи хорзӕй базонын кодта. Фаронимӕ абаргӕйӕ, зынгӕ фӕпарахатдӕр ис дӕсныйӕдты хыгъд. Уымӕй дарддӕр ма ам алкӕй бон дӕр у йӕхи ахуырады, наукӕйы, сфӕлдыстады, ӕхсӕнадон цард ӕмӕ спорты равдисын.

Нӕ уацхӕссӕг

ОСТАВЬТЕ ОТВЕТ

Please enter your comment!
Please enter your name here