Вакцинаци у барвӕндон хъуыддаг

0
296

Гриппы ныхмӕ вакцинаци чи не скӕна, Цӕгат Ирыстоны паддзахадон медицинон академийы уыцы ахуыргӕнджытӕ ӕмӕ студенттӕн академимӕ бацӕуыны бар нал уыдзӕн, зӕгъгӕ, цы хъусынгӕнинаг ахӕлиу, уый медицинон академийы ректор Олег РЕМИЗОВ схуыдта мӕнг хабар.

Уӕлдӕр ахуыргӕнӕндоны ректор куыд бамбарын кодта, афтӕмӕй ныхас цӕуы, академийы студенттӕн практикон ахуыртӕ кӕм вӕййынц ӕмӕ рынчынтӕм, уыимӕ, уӕззау рынчынтӕм хӕстӕг кӕм вӕййынц ӕмӕ семӕ кӕм фӕархайынц, ӕрмӕстдӕр уыцы медицинон кусӕндӕттыл. Уыцы рынчындӕттӕм, кӕй зӕгъын ӕй хъӕуы, ӕнӕ вакцинацийӕ цӕуыны бар нӕй. Абоны студенттӕ сты фидӕны дохтыртӕ, ӕмӕ, Олег Ремизовы ныхасмӕ гӕсгӕ, иннӕ адӕмы ӕнӕниздзинады уавӕр тӕссаг ран ӕвӕрой, уӕлдайдӕр, вирус кӕнӕ исты хӕцгӕниз хӕлиугӕнӕг уой, ахӕм бар сын сӕ равзӕрст дӕсныйад нӕ дӕтты.

Фӕлӕ уӕддӕр вакцинаци у барвӕндон хъуыддаг, ӕмӕ, гриппы ныхмӕ прививкӕ кӕнын кӕй нӕ бафӕнда, уыдонӕн уыдзӕн практикон ахуырты ӕндӕр хуызӕй спайда кӕныны бар.

Бӕрӕг куыд у, афтӕмӕй гриппы ныхмӕ вакцинаци арӕзт ӕрцӕуы алы фӕззӕг дӕр. Куыд алы хатт, афтӕ ацы аз дӕр, вакцинӕ саразыны фӕнд разындзӕн республикӕйы цӕрджыты 40-60 процентмӕ.

Нӕ уацхӕссӕг

ОСТАВЬТЕ ОТВЕТ

Please enter your comment!
Please enter your name here