0
265

Тæссаг низæй хи бахъахъхъæныны фæрæз — вакцинаци

Зындгонд куыд у, афтæмæй Уæрæсейы Президент Владимир Путины амынддзинадмæ гæсгæ, ныртæккæ нæ бæстæйы цæуы коронавирусы ныхмæ дзыллон вакцинаци.

Низы ныхмæ прививкæтæ скæнæн ис рагагъоммæ бæлвырдгонд медицинон кусæндæтты. Уыдоны нымæцы — Дзæуджыхъæуы медицинон колледж дæр. Знон уым низы ныхмæ прививкæ скодта РЦИ-Аланийы Мыхуыр æмæ дзыллон коммуникациты хъуыддæгты фæдыл комитеты сæрдар Фидараты Юри. Прививкæйы размæ, куыд æмбæлы, афтæ дохтыртæ Фидары-фыртæн сбæрæг кодтой йæ туджы æлхъывдад æмæ иумæйаг æнæниздзинады уавæр.

— Коронавирусы тæссаг низæй хи бахъахъхъæнынæн прививкæ цы вакцинæйæ кæнынц, ууыл бакуыстой нæ бæстæйы зындгонддæр ахуыргæндтæ. Уæрæсейаг вакцинæ æхсызгонæй æлхæнынц суанг фæсарæнты дæр. Æмæ дзы тæрсын нæ хъæуы. Ныртæккæ нæ бæстæйы хицауады раз лæууы сæйрагдæр хæс — адæмы цард бахъахъхъæнын. Æмæ æз сидын нæ республикæйы цæрджытæм, цæмæй, сæхи æмæ сæ бинонты цардæн ацы низæй тæссаг ма уа, уый тыххæй скæной прививкæтæ, — загъта Фидары-фырт.

Гасанты Валери
Къам систа Хъайырты Дианæ

ОСТАВЬТЕ ОТВЕТ

Please enter your comment!
Please enter your name here