Æрымысыдысты Фыдыбæстæйы хъахъхъæнджыты

Фыдыбæстæ хъахъхъæнджыты боны агъоммæ Цæгат Ирыстоны æрымысыдысты, Фыдыбæстæйы Стыр хæсты нæ бæстæ чи хъахъхъæдта, уыцы æфсæддонты. Хæстон намысы цыртдзæвæнтыл РЦИ-Аланийы Сæргълæууæг Битарты Вячеслав сæвæрдта дидинджытæ. Хъуыддæгтæ конд цыдысты Намысы мемориалы.

Архайдтой дзы Хицауады Сæрдар Тускъаты Таймураз, Парламенты Сæрдары хæдивæг Билаонты Батрадз, мидхъуыддæгты министр Михаил Скоков, 58-æм æфсады команæдгæнæг, инæлар-майор Михаил Зусько, æфсæддон ведомствæты минæвæрттæ, хæстон службæгæнджытæ, æххæстгæнæг хицауады, бынæттон хиуынаффæйады разамонджытæ, Парламенты депутаттæ, æхсæнадон организацитæй æрвыст адæм. Фыдыбæстæ хъахъхъæнджыты ном æрхъуыды кодтой минут æдзæмæй алæугæйæ.

Дзæуджыхъæуы, Хæстон намысы горæты, дидинджытæ сæвæрдтой Плиты Иссæйы, Петр Барбашовы, Уæлахизы фæзы Кады монумент æмæ кады æндæр бынæтты. Цæгатирыстойнæгтæ фашизмыл фæуæлахизмæ бахастой стыр бавæрæн. Не ‘мбæстæгтæ 95 мины бæрцæй хæцыдысты Сырх æфсады рæнхъыты, партизанты къордты. Алы дыккаг дæр тохы быдырæй нал сыздæхт.

РЦИ-Аланийы æмæ

Хицауады пресс-службæ