Кусæг дæсныйæдтæм — фылдæр æргом

Цæгат Ирыстоны Хетæгкаты Къостайы номыл паддзахадон университеты знон байгом Æргом регионалон чемпионат Æрыгон профессионалтæ (World Skills Russia) РСО-Алания-2021.

Чемпионат цæудзæн 28 февралмæ. Архайдзысты дзы 200 адæймаджы бæрц æмæ 220 эксперты.

Цæгат Кавказы агра-рон-технологон колледжы директор æмæ регионалон координацион центр «Союз (World Skills Russia) в РСО-Алания»-йы разамонæг Моурауты Алан куыд загъта, афтæмæй:

— Абон байгом æстæм регионалон чемпионат «Союз (World Skills Russia) в РСО-Алания». Фæнды мæ зæгъын уый, æмæ РЦИ-Алани «Союз (World Skills Russia)»-мæ бацыд 2012 азы, Уæрæсейы Федераци йæм куы бацыд, уæд уымæй æрмæст æртæ мæйы фæстæдæр. Чемпионатæн йæ сæйраг нысан у кусæг дæсныйæдтæм фылдæр æргом раздахын æмæ профессион дæсныйæдты дунеон практикты равдыст.

Ацы чемпионат цæмæй хицæн кæны? Иннæтимæ абаргæйæ дзы ацы хатт уыдзæн 20 фæлварæны. Архайынц дзы, 16 азæй 22 азы онг кæуыл цæуы, ахæм æрыгон фæсивæд. Фондз фæлварæны та архайынц, 14 азæй 16 азы онг кæуыл цæуы, ахæм скъоладзаутæ. Архайынц ма дзы, 50 азæй уæлæмæ кæуыл цæуы, ахæм адæм «Куырыхонты фæлтæрддзинад».

ХЪОЙБАЙТЫ Галинæ

Къам систа

ХЪАЙЫРТЫ Дианæ