Цæгат Ирыстоны Сæргълæууæджы хæстæ рæстæгмæ æххæстгæнæг Сергей МенЯйлойæн кусæг фембæлд уыд Уæрæсейы Финансты министрады Наукон-иртасæн финансон институты Экономикон райрæзты центры разамонæг Иннæ Рыковаимæ. Фембæлды рæстæг ныхас цыд Цæгат Ирыстоны экономикæйы дарддæры райрæзты стратегион нысантыл.
Ныхасы архайдта РЦИ-Аланийы Сæргълæууæджы уынаффæгæнæджы хæстæ рæстæгмæ æххæстгæнæг Огъуаты Алан дæр.
Фембæлды архайджытæ куыд баныхас кодтой, афтæмæй хæстæгдæр рæстæг иумæйаг хъарутæй сараздзысты, хъæууон хæдзарады, туризмы, промышленност æмæ иннæ къабæзты цы ахсджиагдæр æмæ цымыдисагдæр инвестицион проекттæ ис, уыдоны инвентаризаци. Уымæй уæлдай, Экономикон райрæзты центры специалисттæ фæндæттæ бахæсдзысты, фыццаградон æргом цы проекттæ æмæ программæтæм аздахын хъæудзæн, уый фæдыл дæр.
Иннæ Рыкова куыд загъта, афтæмæй Наукон-иртасæн финансон институты специалисттæ цæттæ сты республикæйæн æппæтвæрсыг консультацион æххуысмæ.
Ныхасы архайджытæ æргом аздæхтой æндæр фарстатæм дæр.
РЦИ-Аланийы
Сæргълæууæджы æмæ Хицауады
пресс-службæ
