«Иугонд Уæрæсе» Паддзахадон Думæйы æвзæрстытæм цæуы, бæстæйы цæрджытимæ иумæ цы Адæмон программæ сарæзтой, уыимæ. Уый арæзт у дыууæ хайæ «Адæмы æнæфыдбылыз» æмæ «Тыхджын Уæрæсе»-йæ, уыдоны сæйраг нысан у адæм сæхи хорз кæм æнкъарой, ахæм эффективон паддзахад саразын.
Раст хъусдардтæ
Бæстæйы цы æнæлыггонд фарстатæ ис, уыдонмæ лыстæг æркæсын æмæ сæ аиуварс кæнынæн раст фæндаг равзарыны тыххæй «иугондуæрæсейæгтæ» информаци æмбырд кодтой бынæтты — арæзтой размæцыды æмбырдтæ граждæнты алы къордтимæ, социалон æгъдауæй хъахъхъæд чи нæ цæуы, уыдонимæ, æмæ кусæн бынæттæ радтынмæ цæттæ чи у, ахæм адæмимæ дæр. Партионтæ æмбæлдысты ахуыргæнджытæ, дохтыртæ, культурæйы кусджытæ, спортсментæ, амалхъомтимæ — æмбырд кодтой фæндæттæ, идейæтæ, хъæппæристæ.
Уыцы зæрдиаг архайдæй партимæ дыууæ мæймæ æрбацыд 2 милуан фæндоны бæрц. Уыдоныл æнцой кæнгæйæ, арæзт æрцыдысты бындурон хъуыдытæ æмæ «Иугонд Уæрæсе» хæстæгдæр фондзазоны архайдзæн уыдон царды рауадзыныл.
Фыццаг хай «Адæмы æнæмаст»-ы аст дæлхайы арæзт сты æрмæстдæр адæймаджы хорздзинадмæ. «Иугондуæрæсейæгтæ» раст радих кодтой хъусдардтæ, уыдонмæ гæсгæ адæймаг хъуамæ цæра хорз хæдзары, хъахъхъæд бинонтимæ, хъуамæ йын уа, стыр мызд кæм иса, ахæм кусæн бынат, йæ бон уа хæрзхъæд медицинон лæггæдтæй, æмæ хорз ахуырадæй пайда кæнын, улæфа сыгъдæг уæлдæфæй.
Медицинæ æмæ
ахуырад — алкæмæн дæр
Æнæниздзинад æмæ ахуырад систы «Адæмы æнæмаст»-ы фылдæр æмæ егъаудæр пункттæ. «Иугонд Уæрæсе»-йæн граждæнты æнæниздзинад, цард фæдаргъдæр кæнын, хистæр фæлтæры адæймæгты цард активондæр скæнын, мадæлты æмæ сабиты хъахъхъæнын сты йæ сæйрагдæр нысантæ.
Æнæниздзинад хъахъхъæнынадмæ ахæм стыр æргом здæхт кæй цæуы, уый хуымæтæджы нæу. Коронавирусы эпидеми æрмæст тыхджындæр фæрстæ нæ раргом кодта, фæлæ ма ирдæй равдыста, уыцы къабазы лæмæгъдзинæдтæ дæр. «Иугонд Уæрæсе»-йы хъуыдымæ гæсгæ, медицинæ хъуамæ уа нырыккон, ахадгæ, бæстæйы алы адæймагæн дæр дзы йæ бон пайда кæнын куыд уа.
Уый тыххæй парти ахсджиагыл нымайы ахæм нысантæ сæххæст кæнын: æнæниздзинад хъахъхъæнынады фыццагдæр къабазмæ бахауын æнцонвадат скæнын. Саразын ахæм ног стандарт, сæйрагдæр бæрæггæнæн дзы адæймаг медицинон лæггæдтæй разы куыд уа.
Адæмон программæ разæвæрæн кæны тагъд æххуысы службæ рацаразынæн, фыццагдæр ын йæ техникон парк сног кæнын, санавиаци райрæзын кæнын, æнæмæнг медицинон фæдзæхсты , стæй медицинон реабилитацийы уагæвæрд рацаразын, уыдонæн дихгонд æрцæудзæн 100 миллиард сомы, 60 миллиарды дзы фæхæццæ уыдзысты хæстæгдæр æртæ азы. Партионтæн сæ зæрды ис уæлдай æргом хъæууон медицинæмæ аздахын.
Уæрæсейы райрæзты сæйрагдæр фæрæзтыл парти нымайы фыдыбæстон ахуырад æмæ наукæ.Бæстæйы алы гражданинæн дæр хи равдисынæн æмæ рæзтæн уавæртæ саразыны хæс парти æвæры йæ размæ, уымæ гæсгæ йæ хъарутæ сарæзта ног скъолаты арæзтадмæ. Ныхас цæуы 2024 азы кæронмæ æнæхъæн бæстæйы цы 1300 ног ахуыргæнæндоны саразын нысангонд кæй цæуы, уыдоныл. Уыдоны ахуыр кæндзæн милуан скъоладзауæй фылдæр. Уымæй уæлдай ма, фондз азы дæргъы бындуронæй цалцæггонд æрцæудзысты æмæ ифтонггæрзтæ сæвæрдзысты 7300 скъолайы.
Партийы зæрды ис педагогон кусджыты мызд иудадзыг фылдæр кæнын, йæ æнæниздзинад хъыгдард цы сабитæн у, уыдонæн скъолайы агъоммæ ахуырады уавæртæ саразын, æппæт кары адæмæн дæр сæ цæрæнбонты иудадзыг ахуыры уагæвæрд саразын. Астæуккаг профессионалон ахуырады рæзтæн нысангонд цæуы 30 миллиард сомы радих кæнын, колледжты 3400 ахуыргæнæн куыстадон агъуыстытæ сног кæнын, инженерон ахуырад рацаразын, бæстæйы уæлдæр ахуыргæнæндæтты бюджетон бынæттæ фæфылдæр кæнын, æрыгон иртасджытæ æмæ аспирантты грантты уагæвæрд фæуæрæхдæр кæнын.
Уыдон æмæ æндæр мадзæлттæ ахуырад æмæ медицинæ ракæндзысты ног æмвæзадмæ.
Хъæздыгдзинад —хæдзары
Бæстæйы æппæт регионты дæр алы куыстхъом адæймаг йæ курдиат, йæ зонындзинæдтæ равдисынæн уавæртæ саразын куыд ахсджиаг хъуыддаг у, уый тыххæй ныхас цæуы Адæмон программæйы хай «Хорз куыст — хъæздыгдзинад хæдзары»-йы.
Партионтæ фæндон хæссынц къæпхæнгай æмæ иудадзыг бюджетон къабазы кусджыты мызд фылдæр кæнын, куысты мызды æппынкъаддæр бæрц иудадзыг фылдæр кæнын. Фæсивæд цæмæй æгуыст ма уой, ууыл архайын, куыстдæтджытæй фæсивæдæн куыст чи дæтта, уыдонæн разæнгардгæнæн мадзæлттæ аразын; профессионалон ахуырады уагæвæрд рацаразын куысты базары ног домæнтæм гæсгæ; уæлдæр ахуыргæнæндæтты рауагъдонтæй хъæутæм æмæ чысыл горæттæм кусынмæ чи цæуы, уыдонæн æххуысы социалон программæ царды рауадзын.
Нысангонд цæуы цæрæнуæтты арæзтад фæфылдæр кæныны, æхсæнадон транспорт ногтæй раивын. «Иугонд Уæрæсе»-йæ æнæрхъуыдыйæ нæ баззадысты, граждæнтæ сæхи хорз цы уагæвæрды æнкъарой, ахæм саразын æмæ экологийы æнæфыдбылыз.
Регионты райрæзтæй æддагон политикæмæ
Партийы минæвæртты фидар хъуыдымæ гæсгæ, тыхджын Уæрæсе у бæстæйы æппæт регионты æнтыстджын райрæзтæй аразгæ. Раззагдæр инфраструктурæ, промышленност æмæ хъæууон хæдзарад, хæрзхъæд кусæн бынæттæ, конкурентон экономикæ. Æппæт уыцы темæтæ æвдыст цæуынц Адæмон программæйы иннæ хай «Тыхджын Уæрæсе»-йы.
Ам сæйраг бынаты сты бæстæйы транспортон инфраструктурæ æмæ регионты райрæзт; культурæ, истори, традицитæ; фæсивæдон политикæ æмæ граждайнаг иудзинад; æддагон æмæ хъахъхъæнынады стратеги. Уыдон сты хорз æмæ хæрзхъæд фæндæгтæ, хорз муниципалон инфраструктурæ, экономикæйы цæстæнгасæй æнтыстджын регионтæ. «Иугонд Уæрæсе» йе ‘ргом здахы афтæ саразынмæ, цæмæй адæмæн цымыдисаг æмæ уарзон суой историон æмæ культурон бынтæ.
Парти æнæфæцудгæ хъахъхъæны Уæрæсейы æддагон политикæйы сæйраг принциптæ: бæстæйы суверенитет æмæ национ интерестæ ифтонг кæнын, дунеон ахастдзинæдты сабырдзинад æмæ иумæйаг æдасдзинад аразын.
Фыццаджыдæр —экономикæ
Партийы нымайынц æнæмæнг фезмæлд кæй хъæуы куыстады ныфсдæттæг къабæзты, цифрæты æмæ æндæр технологиты. Саразын хъæуы хорз уавæртæ хъуыддаджы хъæппæристæн, ахадгæ антимонополон политикæйæн, мидæг базарады сыгъдæг конкуренци саразынæн. Æцæг амалхъомадон змæлд цæуы чысыл æмæ астæуккаг бизнесы, граждæнты амалхъомады архайдимæ сбæттыныл куыст.
«Иугонд Уæрæсе»-йы хъуыды ис уый мидæг, цæмæй хъахъхъæд æрцæуа мидæггаг базар æмæ фыдыбæстæйы амалхъомты продукцийæн уа хорз уавæрты йæ уæй кæнынæн. Экологон технологитæ куыстады бакæнын æмæ нæ компанитæн егъау базары бынæттæн феххуысæн.
Уый тыххæй парти сарæзта бæлвырд цалдæр мадзалы. Фыццаджыдæр, фæндон хæссы компаниты инновацион архайд фæхуыздæр кæныны паддзахад куыд архайа, ахæм программæ саразын; Уæрæсейы промышленност конкурентон позицитæ фæсарæйнаг перспективон базарты фæтыхджындæр кæнын, егъаудæр куыстуæттæ хуыздæр экологон технологитæм раивын; хицæн амалхъомтæй хуымæтæг хъалонæвæрынады уагæвæрды чи архайы æмæ се ‘фтиæгтæй иугонд хъалон чи фиды, уыдонæн хъалоны административон уæлдайттæ фæкъаддæр кæнын:
Адæмон программæ сæххæст кæнын фадат ратдзæн экономикæ фæтыхджындæр кæнынæн æмæ сараздзæн æппæт уавæртæ дæр йæ динамикон рæзтæн.
Æнæивгæ къабазы бæрн
Уæрæсейы Агропромышленон комплекс æдзухдæр уыд æнæивгæ къабазы гарант, уымæ гæсгæ афтæ ахсджиаг у рæзты æрбафтæг индекс ацы къабазы. Фыццаджыдæр, саразын хъæуы хорз уавæртæ хъæуы цæрæг адæмæн, саразын дзы хъæуы нырыккон социалон инфраструктурæ. Уый тыххæй парти нысан кæны Агропромышленон куыстадон комплексы раззагдæр компанитимæ нырыккон хъæууонхæдзарадон технологитæ æмæ аграрон наукæ райрæзын кæнын.
Уыдонæй уæлдай, «иугондуæрæсейæгтæ» фæндон хæссынц фермертæн Иугонд федералон æххуысы центр саразын; чысыл æмæ астæуккаг амалхъомадæн бар радтын, паддзахадон æмæ муниципалон исбонадмæ цы зæххытæ хауы, уыдонæй пайда кæнынæн. Льготон ипотекæйы кредитты программæйы æмгъуыд 2030 азы онг адарддæр кæнын æмæ хи хæдзар аразынæн ипотекæйы, стæй хæдзар аразынæн зæхх райсыны уавæртæ фæхуымæтæгдæр кæнын.
«Удæгас» гæххæтт
Ахсджиаг уый у, æмæ Адæмон программæ консервацигонд гæххæтт нæу, йæ æххæстгæнгæйæ хыгъд æрцæудзысты, партимæ ма ныр дæр цы бирæ хъæппæристæ æмæ фæндæттæ цæуы, уыдон. Программæ цæудзæн æххæстгонд, хыгъд дзы цæудзысты, бæстæйы цы цаутæ цæуа, уыдон.
Эксперттæ куыд зæгъынц, афтæмæй, программæ æххæст кæнгæйæ, фæзындзысты æрмæст ног проекттæ нæ, фæлæ ма хорзæрдæм фæзындзæн бæстæйы закъондæттынадыл дæр. Адæмы хъуыдытæм бæстон æркæсгæйæ, ныридæгæн дæр ивын хъæуы иуæй-иу закъонтæ.
«Иугондуæрæсейæгты» фидарæй уырны, Адæмон программæ хорзæрдæм фæзындзæн алкæуыл дæр æмæ бæлвырдæй раивдзæн бæстæйы цард, уымæн æмæ йæ саразæг сты адæм сæхæдæг.
(Æхца фыст ын æрцыд æппæтуæрæсеон политикон парти
«Иугонд Уæрæсе»-йы Цæгат Ирыстоны регионалон хайады
æвзарæн фонды хардзæй)
