Сæ зæрды ис завод саразын

0
18
Республикæйы Сæргълæууæг Сергей Меняйло фембæлд словенийаг компани «Рико»-йы минæвар Мæскуыйы Йозо Драганимæ. Архайдтой ма дзы «Рико»-йы æрвыст лæг Цæгат Кавказы федералон зылды Уалыты Гела æмæ Дзæуджыхъæуы бынæттон хиуынаффæйады администрацийы разамонæг Милдзыхты Вячеслав.

Ныхас рауад Цæгат Ирыстоны агуыридуруадзæн завод саразыныл. «Рико»-йы архайд у бирæвæрсыг, згъæр лыггæнæн ифтонггæрзтæ уадзы, инженерон-техникон архайд кæны, аразы. «Нæ дыууæтæн дæр пайда чи ‘рхæсдзæн, ахæм проекттыл нæ бон у бацархайын. Республикæйы инвестицион фæзтæ бирæ ис», —загъта Сергей Меняйло.
Куыд ма бафиппайдта, афтæмæй республикæ æххæст у алыхуызон хомагæй, уыдонæй арæзтадон æрмæджытæ уадзæн ис. Хорз фидæн кæмæн ис, ахæм агуыридуруадзæн завод саразæн ис. Йозо Драган куыд бацамыдта, афтæмæй сæ бон у алыхуызон нысанимæ фабриктæ, заводтæ аразын. «Сымах, куыд фæдзæхсæг, хъуамæ уæ фæрæзтæй проекты аргъы 15-20 проценты бахæссат. Нæ компани Словенийы паддзахадон фæдзæхстадон агентады фæрцы дарддæры рæзтæн æхца радих кæндзæн. Уый фæстæ та — нæхæдæг кæимæ кусæм, уыцы уæрæсейаг банчы фæрæзтæй спайда кæндзыстæм. Æфстау рауайдзæн пайдайаг», — фæбæрæг кодта Йозо Драган.
Республикæйы Сæргълæууæг куыд фæбæрæг кодта, афтæмæй Цæгат Ирыстон цæттæ у фæзуаты инженерон цæттæдзинад йæхимæ райсын. Фæдзæхсæг та уыдзæн «РЦИ-Аланийы инвестицион рæзты корпораци». Корпораци æнтыстджынæй кæй кусы æмæ республикæйы цалдæр проекты кæй æххæст кæны, уый дæр фæбæрæг кодта Сæргълæууæг.
Уалыты Гела куыд загъта, афтæмæй корпораци æмæ инвесторы ‘хсæн спайда кæнæн ис паддзахадон-хицæн адæймаджы æмгуыстады авналæнтæй.

РЦИ-Аланийы
Сæргълæууæджы æмæ Хицауады
пресс-службæ

ОСТАВЬТЕ ОТВЕТ

Please enter your comment!
Please enter your name here