“Ног бон”-ы фыццаг зæрватыкк

0
56

«Ног бон», — афтæ схуыдтой, æрвылбоны æмæ, йæхи бæлвырд фæткмæ гæсгæ чи цæуы, мыхуыры ахæм фæрæзтæ парахатгæнæг паддзахадон сæрмагонд базарадон хыз. Знон, Советон мыхуыры бон, байгом фыццаг киоск. Проектыл бакуыста РЦИ-Аланийы Мыхуыры æмæ дзыллон коммуникациты комитет. Базарадон хыз «Ног бон»-æн йæ куыстмæ цæстдарæг уыдзæн чиныгуадзæн рауагъдад «Ир».

 

«Проекты сæйраг нысан у, нæ республикæйы цæрджыты домæнтæ æххæстгæнгæйæ, хæрзвадат административон-экономикон уавæртæ саразын, хъæугæ информаци æнæкъуылымпыйæ райсынæн, Уæрæсейы иумæйаг информацион тыгъдад бахъахъхъæнын æмæ фæхъомысджындæр кæнын. Ацы уынаффæ рахаста нæ бæстæйы Президент Владимир Путин”, — йæ раныхасы фæбæрæг кодта комитеты сæрдар Фидараты Юри.
Куыд фехъусын кодтой, афтæмæй киосктæ уыдзысты дыууæ хуызы сæ арæзтадмæ гæсгæ. Ацы аз ма байгом кæндзысты ноджыдæр цыппар объекты. Æдæппæтæй та, сæ нымæц уыдзæн дыууæсæдæйæ фылдæр. Æрбынæттон уыдзысты республикæйы алы районты.
Газеттæ, журналтæ, чингуытæ, сувенирон продукци æмæ фыссæн гæрзтæ дзы балхæнæн уыдзæн асламдæр аргъæй. Адæмы удæнцойдзинадæн дзы рафыссæн уыдзæн республикон æмæ районты газеттæ, стæй журналтæ дæр, уыимæ 30 хуызы федералон мыхуыры фæрæзтæ дæр.
Кадджын мадзалмæ æрбамбырд бирæ адæм. Сырх лент алыг кодтой Фидараты Юри æмæ рауагъдад «Ир»-ы директор Кокайты Сослан.
Нырæй фæстæмæ «Мæскуыйаг уынджы, 1-æм автовокзалмæ хæстæг, балхæнæн уыдзæн ног газеттæ æмæ журналтæ. Киоск кусдзæн райсомы 8 сахатæй изæры 6 сахатмæ.

Гугкаты Жаннæ
Къамтæ систа Хъайырты Дианæ

 

 

ОСТАВЬТЕ ОТВЕТ

Please enter your comment!
Please enter your name here