Барадон фæтк хъахъхъæнынæн…

0
69

РЦИ-Аланийы Хицауады Сæрдар Дзанайты Барис архайдта республикæйы Прокуратурæйы коллегийы æмбырды. Рæгъмæ рахастой республикон æмæ муниципалон нормæты закъонæвæрынады уавæр.

Æмбырд амыдта РЦИ-Аланийы Прокуроры хæстæ рæстæгмæ æххæстгæнæг Илья Иванов. Архайдтой дзы Уæрæсейы Юстицийы министрады цæгатирыстойнаг управленийы хицау Быгъуылты Владимир, республикæйы Сæргълæууæджы æмæ Хицауады Администрацийы хицауы фыццаг хæдивæг Ортабайты Виктор, Парламенты аппараты минæвæрттæ, районты прокурортæ.
Дзанайты Барис куыд радзырдта, афтæмæй хъуамæ цæстдарæг ведомствæйæн æмгуыстад уа æххæстгæнæг хицаудзинадимæ, бынæттон хиуынаффæйады кусджытимæ. «Бацархайын хъæуы, цæмæй æвæрццæг бæрæггæнæнтæ фылдæр уой, уæ куысты æмвæзад уæлдæр кæнут. Ацы ран прокуратурæйæ цы фиппаинæгтæ æрбафты, уыдонмæ къæрцхъусдæр хъуамæ уат. Республикæйы Хицауад цæттæ у æмгуыстадмæ, барадхæлдтытæ æруадзыны ныхмæ мадзæлттæ аразæм. Нормативон бындуртæ хъуамæ хуыздæргæнгæ цæуой», — загъта Хицауады Сæрдар.
Уый ма прокуратурæйы кусджытæн раарфæ кодта сæ удуæлдай куысты тыххæй. Илья Иванов куыд бацамыдта, афтæмæй республикон æмæ муниципалон нормæты æвæрццæг бæрæггæнæнтæ бæрæг дарынц. Фæлæ уæддæр хъæуы фылдæр æргом аздахын цæттæгонд проекттæм, ис сæм фиппаинæгтæ. Граждæнты æмæ хæдзарадон объектты бартæ дæр нывылдæрхъуаг сты. Официалон нормативон акттæ хъуамæ мыхуыргонд цæуой федералон регистры, «Интернет»-ы хызты сæ-иу равæрой.
Кæронбæттæн æмбырды рахастой нормативон акттæ аразыны иумæйаг мадзæлттæ прокуратурæйы æмæ республикон æмæ муниципалон хицаудзинады ‘хсæн.

РЦИ-Аланийы
Сæргълæууæджы æмæ
Хицауады пресс-службæ

ОСТАВЬТЕ ОТВЕТ

Please enter your comment!
Please enter your name here