Хæрзвадæттæ —æфсæддонтæн

0
80

РЦИ-Аланийы Хицауады Сæрдары хæдивæг Икъаты Русланбег арфæ ракодта ипотекон уагæвæрд юбилейон, 150 минон архайæгæн. Уый у Дзæуджыхъæуы æфсæддон службæгæнæг, Уæрæсейы Хъахъхъæнынады министрады хистæр лейтенант Дмитрий Москвитин.

Бирæсывæллонджын фыд æмæ сæрмагонд æфсæддон операцийы архайæг, федералон бюджеты æмæ ипотекон кредиты æххуысæй паддзахадон программæ «Семейная ипотека»-йы бындурыл райста цæрæнуат. Æфсæддоны хæслæвæрдтæ ацы фарстайы æххæст кæндзæн паддзахад.
Дмитрий Москвитин æмæ йæ бинонтæн арфæтæ ракодтой, РЦИ-Аланийы архитектурæ æмæ арæзтады министр Моргуаты Константин, федералон-паддзахадон кусæндон «Росвоенипотека»-йы разамонæг Константин Ярославцев, «ПромСвязьбанчы» департаменты директор Дмитрий Макеев æмæ 58-æм æфсады минæвар Николай Кузнецов.
Икъаты Русланбег фæнысан кодта, Цæгат Ирыстон хаст кæй цæуы, ипотекон уагæвæрды бындурыл æфсæддон службæгæнджытæ цæрæнуæттæ кæм райсынц, Цæгат Кавказы федералон зылды раззагдæр æртæ субъектты хыгъдмæ.
— Абоны онг нæ республикæйы фæзуатыл æфсæддон службæгæнджытæ райстой æртæ минæй фылдæр цæрæнуæттæ. Уый ууыл дзурæг у, æмæ нæ регион йæхимæ адæмы кæй æлвасы, уый.
Цæрæнуаты фарста алыг кæныны хъуыддаджы, фадæттæ аразын хъæуы, куыд нæ бæстæйы, афтæ хицæн регионты рæзтæн дæр.
Уый у, граждæнты канд хæрзвадат уавæры æмвæзад бæрзонддæр кæнын нæ, фæлæ регионы хъæугæ специалисттæ фидар æмæ демографион уавæр хуыздæр кæныны вазыгджын социалон хæс, — загъта Икъаты Русланбег.
Дмитрий Москвитины сывæллæттæн нæ республикæйы Архитектурæ æмæ арæзтады министрад лæвæрттæ дæр арвыста. Константин Ярославцев та арфæйы ныхæстæ загъта УФ-йы хъахъхъæнынады министры хæдивæг Тимур Ивановы номæй æмæ радзырдта ипотекон кредиты уагæвæрд цæрæнуаты фарста алыг кæнынæн хъæугæ мадзал кæй у, уый фæдыл.
— Уагæвæрды архайджытæ сты 635 мин æфсæддоны, æмæ дзы 330 мин адæймаджы сæ цæрæнуаты фарста сæххæст кодой. Иудадзыг «Росвоенипотека» — æмархайд кæны, ипотекон кредиты уагæвæрды раздзæуджытимæ, программæйы уавæртæ фæхуыздæр кæныны хайы, ипотекон кредитæй спайда кæныны фарстаты, æмæ бар дæттынц æфсæддонты нырыккон домæнтæн аккаг уæвын, цæрæнуат райсыны хъуыддаг та æнцонвадат скæнын, — загъта Константин Ярославцев.

РЦИ-Аланийы
Сæргълæууæг
æмæ Хицауады
пресс-службæ

ОСТАВЬТЕ ОТВЕТ

Please enter your comment!
Please enter your name here