Сæрмагонд æфсæддон операцийы Украинæйы архайæг Фидараты Дзантемыр хорзæхгонд æрцыд Хъæбатырдзинады орденæй.
Батальон «Сæрмæт»-ы ротæйы командæгæнæг уæвгæйæ, Фидараты Дзантемыр йæ зæрдæйы сконд нæ ивы, Фыдыбæстæ хъахъхъæнынмæ сыстæг иннæ æфсæддонтæн фæзминаг вæййы кæддæриддæр. Йæ фæндаг равзæрста æмбаргæйæ. 2009 азы Дзæуджыхъæуы каст фæцис Кировы номыл æфсæддон Цæгат-Кавказаг сырхтырысаджын институт.
Уый фæстæ каст фæцис замполитты курсытæ. Уырдыгæй йæ арвыстой Волгограды облæстмæ, сæрмагонд нысаниуæджы хицæн бригадæмæ. Фидараты Дзантемыр службæ кодта хæстон нысаниуæджы батальоны комендантон ротæйы командæгæнæгæй. Запасмæ рацыд 2021 азы, уый фæстæ службæ кодта Æфхæрдтæ æххæст кæныны федералон управленийы. Мобилизацимæ йæм фæсидтысты 2022 азы, октябры, æрвыст æрцыд Украинæмæ, сæрмагонд æфсæддон операцийы бынатмæ.
Хъæбатырдзинады орден радтынц, хиуыл нæ ахъуыды кæнгæйæ, лæгдзинад, æвзыгъддзинад, йæ цардæн тæссагдзинæдтæ бавзаргæйæ, йæ хæстон хæстæ æххæст кæнгæйæ чи равдисы, уыдонæн.
Нæ уацхæссæг
