Цæгат Ирыстоны Прокуратурæйы официалон сайт куыд фехъусын кодта, афтæмæй республикæйы прокуроры хæдивæгæй сæвæрдтой Николай Клеповы.
Уый райгуырд 1983 азы горæт Тулæйы. 2005 азы каст фæци горæт Орелы паддзахадон техникон университеты юридикон факультет. Йæ дæсныйадыл куыста Орелы облæсты — уыдис Ливены районты ’хсæн прокуроры хистæр æххуысгæнæг, Должанскы районы прокуроры хæдивæг. Йæ фæстаг куысты бынат — Орелы Æфсæнвæндаджы районы прокурор.
Бирæ хæттыты йæ хорз куысты тыххæй хорзæхджын уыди Уæрæсейы Генералон прокуроры, стæй Орелы облæсты прокуратурæйы ‘рдыгæй. Саккаг ын кодтой риуылдаргæ нысантæ — «Æнаипп службæйы тыххæй», стæй III къæпхæны «Закъонæн æнæзæрдæхудт лæггады тыххæй».
Ис ын бинонтæ, хъомыл кæны дыууæ сабийы.
Нæ уацхæссæг
