Æнæниздзинад фæфидар кæнынæн

0
19

Алагиры районы мидхъуыддæгты хайады кусджытæ архайдтой Æнæниздзинады æппæтдунеон боны кадæн арæзт дзыллон мадзæлтты.

Барадхъахъхъæнæг оргæнты кусджытæ царды æнæниз уаджы тыххæй хабæрттæ арæх радзурынц, фæлæ ацы хатт районы мидхъуыддæгты хайады æнахъомты хъуыддæгты инспектор, пъæлицæйы кæстæр лейтенант Бек-
куызарты Мæдинæ программæ «Навигаторы детства»-мæ гæсгæ Мызуры скъоладзаутæн амыдта физкультурæйы гом урок.
Дзыллон мадзалы арха-йæг кæстæр кары фæсивæд пъæлицæйы кусæг-сылгоймагимæ иумæ æххæст кодтой физкультурон фæлтæрæнтæ, æнахъомтæн та уыд алыхуызон – зæгъæм, армхæсты – ерысты архайыны, æмæ спортивон ифтонггæрзтыл фæлтæрæнтæ æххæст кæныны фадат.
Фæстæдæр, спортивон залмæ раивгæйæ, сывæллæттæ æмæ хъомыл адæм æнæниздзинад фидар кæнынæн ахъазгæнæг фæлтæрæнтæ дарддæр æххæст кодтой. Амæй размæ куыд уыд, афтæ ацы хатт дæр фæсивæд архайдтой «Хъæлдзæг райдианты» ерысты дæр.
Адæм æнæниздзинад фидар кæнынæн ахъазгæнæг дзыллон мадзалæй разыйæ баззадысты.

Гæззаты Зæринæ,
Мидхъуыддæгты
министрады Алагиры
районы хайады
инспектор

ОСТАВЬТЕ ОТВЕТ

Please enter your comment!
Please enter your name here