Уæрæсейы Национ гвардийы æфсæдты федералон службæйы цæгатирыстойнаг управленийы дзæуджы-хъæуккаг хайады кусджытæ архайдтой терроризмы ныхмæ æппæтуæрæсеон ахуырты.
Гвардионты æмрæнхъ дзыллон мадзæлтты архайдтой регионалон Æнæнхъæлæджы уавæртæ æмæ Мидхъуыддæгты министрадты кусджытæ дæр.
Фæдисы хабар фехъусæг бæрнон адæймæгтæ бацархайдтой фыдбылызы хабар æппæт æрбацæуæг адæймæгтæн æвæстиатæй фехъусын кæныныл, стæй кусджытæ æмæ ахуырдзауты бæстыхайы æрбынæттон кæныныл.
Фæдисы сигналæн дзуапп дæтгæйæ, гвардионтæ фыдбылызы бынатмæ уайтагъд æрбацыдысты. Æнæлазæй архайгæйæ, æнæведомствон хъахъхъæнынады кусджытæ «фыдгæнджыты» æрцахстой, скъолайы бæстыхайы ба-джигул кодтой æмæ йыл æрхъула кодтой.
Æппæт æвæрд хæслæвæрдтæ æххæстгонд кæй æрцыдысты, уымæй райгондæй баззайæг тренировкæйы разамонджытæ ахуырты архайæг структурæты æнаипп куыст бафиппайдтой. Дзыллон мадзал арæзт уыд террористон фыдракæнд саразынæй тæссагдзинады заман ахуыргæнджыты, скъолаты хъалагъурты æмæ барадхъахъхъæнæг оргæнты кусджыты цæттæдзинады къæпхæн фæуæлдæр кæнынмæ.
УФ-йы Национ
гвардийы æфсæдты федералон службæйы цæгатирыстойнаг
управленийы
пресс-службæ
