Алагиры районы мидхъуыддæгты хайады кусджытимæ куысты дæлхайады хицауы хæстæ рæстæгмæ æххæстгæнæг, пъæлицæйы капитан Азиаты Мæдинæйæн уыд хъуыддаджы фембæлд районы Адæмæн куыстдæттæг центры директор Годызты Дианæимæ.
Фембæлды архайджытæ æрныхас кодтой куыст агурыны нырыккон фадæттыл. Годызты Дианæйы ныхасмæ гæсгæ, пъæлицæйы кусджыты агурынмæ арæзт чи у, уыцы алыхуызон порталты фæрцы ис амынд хайады уæвæг уæгъд кусæн бынæтты тыххæй хабæрттæ адæмæн хъусын кæныны фадат.
Зæгъæм, Адæмæн куыстдæттæг федералон службæйы паддзахадон информацион системæйыл нымад чи у, уыцы портал «Работа в России»-йы фæрцы бæстæйы æппæт регионты куыстдæтджытæн ис кусджыты равзарыны, куыстагурджытæн та –
куысты уæгъд бынæттæ ссарыны фадат. Портал «Работа в России»-йы (https://trudvsem.ru) фæрцы, адæймаг кæй барвиты, уыцы курдиат фæстæдæр куыд æвзарынц, Адæмæн куыстдæттæг центры директор уый тыххæй бæлвырд
радзырдта.
Азиаты Мæдинæ æмæ Годызты Дианæ баныхас кодтой амынд фембæлдтытæ рæстæгæй-рæстæгмæ аразыныл. Барадхъахъхъæнæг оргæнтæм службæ кæнынмæ бацæуынмæ чи хъавы, нырыккон технологиты фæрцы ис ахæм адæймæгты агурыны куыст фæпарахат кæныны фадат.
Уæ зæрдыл уын лæууын кæнæм: Алагиры районы мидхъуыддæгты ха-йадмæ куыстмæ бацæуыны фарстаты фæдыл бахатын æмбæлы ахæм адрисмæ гæсгæ: горæт Алагир, Инæлар Бесолы-фырты уынг, 1, кусæнуат 18. Телефонтæ: 8(8672) 59-02-45; 59-02-04.
Гæззаты Зæринæ,
Алагиры районы
мидхъуыддæгты
хайады инспектор
