Цæгат Ирыстоны промышленнон куыстуæттæ фæлхасгонд электрон тыхæн сентябры куыд бафыстой, уымæ гæсгæ рауад 114,1 проценты. Афтæмæй куыстуæттæ «Россети Цæгат Кавказ»-ы цур сæ хæстæ 2,4 милуан сомы фæкъаддæр кодтой.
Фиддонты бæрц рауад 114,1 проценты. Уый 2024 азы сентябры у æппæты хуыздæр бæрæггæнæн æппæт фæлхасгæнджыты къордты ‘хсæн. Уыцы фиддонты рæзт, фароны ацы æмгъуыдимæ абаргæйæ, рауад 31,3 проценты.
Промышленнон куыст-уæттæ, фиддонты хæстæ æххæст кæнгæйæ, фараст мæймæ бафыстой 95,8 проценты. Раздæр цы хæстæ сæмбырд, уыдон фæкъаддæр кæныныл ныртæккæ куыст цæуы. Куы сæ банымадтой, уæд 2024 азы 1 октябрмæ рауадысты 115,7 милуан сомæй фылдæр.
«Цæгаткавказэнерго»-йы директоры хæстæ рæстæгмæ æххæстгæнæг Таболты Алыксандр куыд фæбæрæг кодта, афтæмæй фæлхасгонд электрон тыхæн афойнадыл фидыны хъуыддаг уайтагъд фæбæрæг вæййы Цæгат Ирыстоны энергокомплексы фидар куыстыл, инвестицион проекттæ царды рауадзыныл.
Таболы-фырты ныхасмæ гæсгæ, промышленнон куыстуæтты разамонджытæ æххæстæй æмбарынц фарстайы ахадындзинад. «Не ‘мгуыстад комкоммæ сбастам фæлхасгæнджытæй æмбæлгæ æхца райсынимæ, хъуамæ уыдæттæ фæбæрæг уой ацы азы бæрæггæнæнтыл», – загъта «Цæгаткавказэнерго»-йы разамонæг.
«Цæгаткавказэнерго»-йы пресс-службæ
