Федерацийы Советы уынаффæ сæххæст кæныны тыххæй РЦИ-Аланийы Сæргълæууæг Сергей Меняйло æрвылкъуырион аппаратон æмбырды республикæйы Хицауадæн бахæс кодта министрадтæ æмæ ведомствæтæн федералон хицауады æххæстгæнæг оргæнтимæ æмгуыстады пълан саразын.
Ныхас цæуы РЦИ-Аланийы социалон-экономикон райрæзтæн паддзахадон æххуыс раттыны тыххæй. Документ фидаргонд æрцыд, Уæрæсейы Парламенты уæллаг палатæйы октябры Цæгат Ирыстоны бонтæ куы ацыдысты, уыдонæн хатдзæгтæ скæнгæйæ.
Сергей Меняйло рес-публикæйы Хицауадæн бахæс кодта федералон уагдæттимæ хъомысджын æмгуыстад кæнын.
– Нæ социалон инфраструктурæйы райрæзтимæ баст хъæппæристæм лæмбынæг каст æрцыд, æмæ сæ фарс рахæцыдысты. Зæгъæм, 2026 азы æмæ 2027-2028 азтæм федералон бюджеты æнæниз-дзинад хъахъхъæнынады райрæзты паддзахадон программæмæ Федерацийы Совет растыл банымадта бахæссын онкологон диспансеры бындурон рацарæзт, Хуссайраг поселочы тарнизы ныхмæ сывæллæтты диспансеры, Дзæуджыхъæуы 100 бынатон инфекцион корпусы арæзтад æмæ æндæртæ, æдæппæтæй – 14 пункты. Æнæмæнг хъæуы уыцы фарстатæм иудадзыг кæсын, рагагъоммæ бацæттæ кæнын проектон-хæрдзтыдокументаци, финансон-экономикон бындурыл арæзт хъæугæ гæххæттытæ æппæт уыцы пълæнттæ царды рауадзыны тыххæй. Цæмæй къухы бафтой, уымæн та хъæуы федералон хицауады æххæстгæнæн оргæнтæ æмæ Паддзахадон Думæимæ æмгуыстады пълан саразын, – бахæс кодта Сергей Меняйло Хицауады Сæрдар Дзанайты Барисæн.
Уымæй уæлдай ма аппаратон æмбырды Сергей Меняйло дзырдта, бирæуæладзыгон хæдзæртты бырондæтты камерæты тыххæй – ахæмтæ рес-публикæйы ис 200, æмæ сæм фаг æргом здæхт нæ цæуы дзуапдæттæг организациты ‘рдыгæй. Сæ уавæр сын раздæр РЦИ-Аланийы Сæргълæууæ-джы фæдзæхстмæ гæсгæ сбæлвырд кодта къамис æмæ раиртæста, фылдæр рæтты бирæфатерон
хæдзæртты бырондон камерæтæ зылдхъуаг кæй сты, уый фæстиуæгæн та санитарон уавæр вæййы æдзæллаг æмæ цæрджытæн зындзинæдтæ æвзарын кæны. Иуæй-иу фæткдар кампанитæ æмæ цæрæнуæтты хицæутты æмбаладтæ (ТСЖ) бырон-уадзæн хæтæлтæ æмæ камерæтæ сцалцæг кодтой, иннæ рæтты та ма, хæлд кæм сты, уым цалцæггæнæн куыстытæ цæуынц.
– Мах ацы цæлхдур хъуамæ аиуварс кæнæм, раздæхæн æм куыд нал уа, афтæ. Æнæмæнг хъæуы бырон ласыны тыххæй график саразын. Фæткдар кампанитæй быронкалæн хæтæлтæ æмæ камерæтæн æмбæлгæ санитарон уавæртæ аразын кæй нæ фæнда, уыдонимæ та сæрмагондæй ныхас кæн-дзыстæм, – загъта Сергей Меняйло.
Иудадзыг каст цæуы фæззыгон-зымæгон афон æнæкъуылымпытæй арвитыны фарстамæ. Цæгат Ирыстоны Сæргълæууæг республикæйы Цæрæн-уатон-коммуналон хæдзарад, артаг æмæ энергетикæйы министрад æмæ фæрæзтæдæттæг организацитæй бадомдта хъармгæнæн рæстæг фæрæзтæй фæцух кæныны пълан
фæкъаддæр кæнын.
Æмбырды ма ныхас цыди, хъæуты культурæйы артдзæстыты хъæугæ специалисттæ кæй нæ фаг кæны, уый тыххæй. Дæнцæгæн æрхаста Уæллаг Фыййагдоны Культурæйы хæдзар – уым ис рояль, фæлæ дзы нæй, хъæуы сывæллæттæн ыл цæгъдын чи амона, ахæм ахуыргæнæг. Уымæ гæсгæ, Ахуырад æмæ наукæйы æмæ Культурæйы министрадтæн хæсгонд æрцыд уыцы фарста алыг кæнын, республикæйы культурæйы колледжы студентты сразæнгард кæнгæйæ.
ГАПБАТЫ Алетæ
