РЦИ-Аланийы Сæргълæууæг Сергей Меняйлойæн 12 декабры уыдзæн «комкоммæ бастдзинады лини» Цæгат Ирыстоны цæрджытимæ. Фембæлд æвдыст цæудзæн телеканал «Осетия-Ирыстон»-ы комкоммæ эфиры. Равдысты райдайæн – 18 сахатыл. Уый тыххæй фехъусын кодта республикæйы Сæргълæууæг æмæ Хицауады пресс-службæ.
Уыимæ, иннæ хæттыты куыд уыд, афтæ та ныр дæр адæмæн ис РЦИ-Аланийы Сæргъ-лæууæгмæ сæ фарстытæ рагагъоммæ бадæттыны фадат. Уыцы хъуыддаг бакæнæн ис цалдæр (кæмæн куыд æнцондæр у) хуызы:
9 сахатæй 18 сахаты онг ахæм телефонæй
бадзургæйæ: +7 (8672) 33-30-50;
паддзахадон лæггæдты сайты «дыууæрдæм бастдзинады платформæйы» фæрцы фарст бадæтгæйæ;
социалон хызæг «ВКонтакте»-йы РЦИ-Аланийы Сæргълæууæджы аккаунты фиппаинаг ныффысгæйæ;
«Telegram»-ы хызæджы Регионæн разамынды центры чат-ботмæ ныффысгæйæ.
Уымæй уæлдай, фарстытæ бадæттæн ис видео-нывты хуызы дæр (уыдон барвитæн ис ахæм электронон постмæ: pressa@alania.gov.ru).
Æппæты цымыдисагдæр æмæ ахсджиагдæр фарстытæ чи бадæтта, уыдон «комкоммæ
бастдзинады лини»-йы рæстæг суыдзысты телеуынынады студийы уазджытæ.
«Комкоммæ бастдзинады лини»-йы куысты рæстæг дæр уыдзæн бадæттæн фарстытæ ахæм телефонæй бадзургæйæ: +7 (8672) 33-30-50.
Равдысты трансляци уыдзæн:
телеканал «Осетия-Ирыстон»-ы эфир æмæ сайты;
«Telegram» æмæ «ВКонтакте»-йы РЦИ-Аланийы Сæргълæууæджы аккаунтты;
РЦИ-Аланийы Сæргълæууæг æмæ Хицауады официалон сайты;
телерадиокомпани «Алания»-йы сайты;
радио «Алания FM»-ы эфиры.
Зæгъын хъæуы, Сергей Меняйлойæн
республикæйы цæрджытимæ ахæм фембæлд ныр цыппæрæм хатт арæзт кæй цæуы, уый тыххæй дæр.
Нæ уацхæссæг
