2024 азы райдайæнæй нырмæ Уæрæсейы Социалон фонды цæгатирыстойнаг хайад республикæйы цæрæг сахъат адæмæн реабилитацийы техникон фæрæзтæ æлхæнынæн радих кодта 54 милуан сомæй фылдæр. Уый тыххæй фехъусын кодта фонды регионалон хайады пресс-службæ.
Пресс-службæйы минæвары ныхасмæ гæсгæ, медицинон æмæ социалон реабилитацийы техникон фæрæзтæ райсынæн фонд сахъат адæймæгты номыл рафыста 2064 электронон сертификаты (уыдонæй спайда кодтой 825 адæймаджы).
Электронон сертификат у реабилитацийæн хъæугæ техникон фæрæзтæ райсыны æнцонархайд фадат. Спайда кæнæн дзы ис банчы картæйы хуызæн – равзæрст дзаумайæн уый фæрцы бафидын. Уыимæ, сертификаты хицауæн ис, Социалон фонды сайты цы сæрмагонд номхыгъд ис, уым хи фæндонæй хъæугæ реабилитацион фæрæз равзарыны фадат. Сертификат йæ тыхы ис 12 мæйы дæргъы. Фæлæ, специалисттæ куыд зæгъынц, афтæмæй уыцы æмгъуыды кæронмæ æнхъæлмæ кæсын нæ хъæуы, растдæр уыдзæн хъæугæ техникон фæрæзтæ афойнадыл балхæнын, цæмæй адæймаджы уавæрыл хъæугæ хуызы сахадой.
«Кæд æвзæрст товары аргъ сертификаты фыст бæрцæй фылдæр уа, уæд бафтауæн ис хи фæрæзтæ. Уыимæ, сахъат адæймаджы реабилитацийæн цалдæр техникон фæрæзы куы бахъæуа, уæд электронон сертификаттæ рафысдзысты алкæцы товарæн дæр хицæнæй», – бафиппайдта УФ-йы Социалон фонды цæгатирыс-
тойнаг хайады разамонæг Милдзыхты Аслан.
Реабилитацийы фæрæзтæ райсыны хъуыддаджы фæдыл æппæт фарстытæ дæр бадæттæн ис Социалон фонды контакт-центрмæ ахæм телефонæй: 8-800-100-00-01 (кусы 9 сахатæй 18 сахаты онг).
УФ-йы Социалон
фонды цæгатирыстойнаг хайады пресс-службæ
