Уæрæсейы фæлхасадон цæстдарды службæ хъусын кæны, Китайы хæцгæ низы уавæрмæ йæ цæст кæй дары. Уæрæсейы цыбыр æмгъуыдмæ йæ раиртасыны реагенттæй пайда кæнынæн ис фадат.
Адæймаджы пневмовирус ног нæу, дæсгай азты зилы зæххыл, уыимæ, Уæрæсейы дæр. Фæзыны йæ рæстæгыл иннæ вирусон низтимæ, арæхдæр бахæцы, уæлдæфы йæ æртæхтæ куы вæййы, уымæй, къаддæр – рынчынимæ иу ран уæвгæйæ. Низ рогæй цæуы, фæлæ, гæнæн ис, æмæ расайа уæззаудæрмæ – пневмониямæ. Арæхдæр дзы сабитæ æмæ ацæргæ адæм рынчын кæнынц. Низты ныхмæ йæ буар лæмæгъ кæмæн у, уыдон дæр дзы уæлдай арæхдæр рынчын кæнынц. Фæзыны хуыфæг, тæвд фæбæрзонддæр вæййы, хъæлæс – фæсус, улæфын зын вæййы. Уæрæсейы Æнæниздзинад хъахъхъæнынады министрады сæйраг инфекционист Владимир Чуланов амоны къухтæ арæхдæр æхсын сапонимæ кæнæ антисептиктæй арæхдæр пайда кæнын, чи фæрынчын, уыдонæй хи хъахъхъæнын, сыгъдæг уæлдæф арæхдæр уадзын, рынчын кæм ис, уыцы уатмæ, стæй, бирæ адæм кæм ис, уыцы бынæттæм ма
цæуын. Низ дзæбæх кæнынæн сæрмагонд хостæ нæ хъæуы, рынчынмæ йæ уавæрмæ гæсгæ хъæуы зилын.
Уæрæсейы метапневмовирусæй рынчын кæнынц афæдз дыууæ хатты – ноябрæй зымæджы фæудмæ, стæй майы. Уыцы рæстæг иннæ вирустæ фесæфынц. Адæймаджы зæрдæ фæрынчынæй куы фехсайа, уæд йæ хуыздæр хос – дохтырмæ фæдзурын.
Уæрæсейы Рухсады министрадмæ скъолатæ æмæ рæвдауæндæтты куыст бауромыны фæнд нæй. Уый тыххæй фехъусын кодта министр Сергей Кравцов.
Æрмæг бацæттæ кодтæ
Хуыбиаты Ларисæ
