Регионы разамонæг Сергей Меняйло республикæйы Ахуырад æмæ наукæйы министрадæн бафæдзæхста ирон æвзаг æмæ литературæ ахуыргæнæн чингуытæ мыхуырмæ бацæттæ кæнын. Уымæй уæлдай, профилон ведомствæйæн бахæс кодта ахуырады уагдæтты Ирыстоны историйы курс райдайын.
– Бирæ хъæстытæ æрбацыд ирон æвзаджы ахуыргæнæн чингуыты фæдыл. Ныр кæронмæ фæхæццæ кæны скъолатæн ирон æвзаджы чингуытæ цæттæ кæныны куыст. Ацы аз ахæм чингуытæ цæттæ кæнын райдайын хъæуы астæуккаг сæрмагонд ахуыргæнæндæттæн, – бахахх кодта Сергей Меняйло. Минис-
традæн ма бауынаффæ кодта, ивгъуыд аз ныллæг бæрæггæнæнтимæ цы скъолатæ каст фесты, уыдонæн æххуысæн хицæн программæ скæнын.
– Хæрзхъæд ахуырад райсынæн алы скъолайы, кæмфæнды ма уæд, уавæртæ саразын хъæуы. Науæд иуæй-иу скъолаты куыстмæ æркæсдзыстæм лæмбынæгдæр, – загъта республикæйы разамонæг. Министрад хъуамæ æркæса сахъат сывæллæтты секцитæ æмæ къордтæм, æмæ, куы бахъæуа, уæд ногтæ байгом кæнынæн уавæртæ сараза.
Культурæйы министрадимæ иумæйагæй бабар кодта проект «Ирыстоны хъæбатыртæ» бацæттæ кæнын æмæ йæ царды рауадзын. Æххуысмæ бауынаффæ кодта уæлдæр ахуыргæнæндæтты студентты ‘рбакæнын.
Хуыбиаты Ларисæ