Национ проекттæ – цардмæ

0
40

Ацы аз Уæрæсейы сæ тыхы бацæудзысты 2030 азмæ нымад ног
национ проекттæ.

Æнхъæлмæ кæмæ кæсынц, национ проект «Дæргъвæтин æмæ активон цард» арæзт у 2030 азмæ царды ахæм дæргъвæтиндзинад 78 азы онг фæфылдæр кæнынимæ. Поликлиникæтæ, амбулаторитæ, фелсырон-акушерон кусæндæттæ сног кæныны куыст дарддæр цæуы. Ацы кусæндæтты фæллойгæнæг дæсны медикты нымæц фылдæр кæны. Æнæхæцгæ онкологион, зæрдæйы-дадзинты низтæ æмæ сæкæрнизæй, стæй хæцгæ гепатит С низæй адæмы бахизыны æмæ рынчынты дзæбæх кæныны рæстæг пайдагонд цæуы куысты ног мадзæлттæй. Æвæстиатон медицинон æххуыс æмæ реабилитацийы системæ нывылдæр кæнынц, национ иртасæн центртæ рæзынц, нымæцон кусæнгæрзтæй æнæниздзинад хъахъхъæнынады системæ ифтонг кæныны куыст дарддæр цæуы. Царды æнæниз уаг дзыллæты æхсæн парахатдæр кæны.

Ныридæгæн Цæгат Ирыстон бахастой 8 федералон проектмæ:

Æнæниздзинад хъахъхъæнынады системæйы райдиан къæпхæны нывылкæнынад;

Зæрдæйы-дадзинты низты ныхмæ тох;

Онкологион низты ныхмæ тох;

Сæкæрнизы ныхмæ тох;

Гепатит С-йы ныхмæ тох кæнынмæ æмæ ацы низы хæлиукæнынады тæссагдзинад фæкъаддæр кæнынимæ арæзт мадзæлтты æххæсткæнынад;

Æнæниздзинадæн æмæ сног кæнынæн хæрзхъæд медицинон реабилитаци;

Алкæмæн дæр – æнæниздзинад;

Медицинон кусджытæ.

Ныртæккæ ныхас цæуы æнæниздзинад хъахъхъæнынады системæйы райдиан къæпхæн нывылкæнынады программæмæ бахæссынæн республикæйы фæндæттыл – рæвдз-
аразæн конструкцитæ балхæныны æмæ сæ монтаж кæныны, санитарон транспорт æмæ медицинон ифтонггæрзтæ æлхæныны, стæй дзæбæхгæнæндæттæ бындуронæй цалцæг кæныны хъуыддæгтыл.

Ноджыдæр ма иу национ проект «Бинонтæ»-йы фæткмæ гæсгæ республикæйы арæндæттæ æмæ сылгоймæгтæн уынаффæгæнæн кусæндæттæ ног кусæнгæрзтæй ифтонггонд æрцæудзысты.

 

Джихаты Стэллæ

ОСТАВЬТЕ ОТВЕТ

Please enter your comment!
Please enter your name here