Цыппарсæдæ фæндзай ахуырдзауæй фылдæрæн хими, физикæ, биологи æмæ информатикæ биноныг кæм амонынц, Цæгат Ирыстоны æнтыстджынæй кусынц 18 ахæм курчатовон къласы.
Нæ республикæйы Сæргълæууæг Сергей Меняйло æмæ Курчатовы институты директор Хъамболты Мараты бардзырдæй проект æххæст кæнынц æндæразæй нырмæ национ иртасæн центр «Курчатовы институт»-имæ æмгуыстады фæткмæ гæсгæ.
Зындгонд уæрæсейаг физик-ядерщик Игорь Курчатовы райгуырдыл 122 азы кæй сæххæст, уый кадæн æрæджы Æрæфы районы Хæзныдоны скъолайы бакастысты лекци. Курчатовон кълæсты ахуырдзаутæ фыццаг Ф-1 физикон реакторы тыххæй видеокинонывмæ æхсызгонæй бакастысты, стæй сабырдзинады хъуыддæгтæн атомон электрон тыхæй пайда кæныны фæндон фыццаг хатт бахæссæг ахуыргонды цардархайды тыххæй лекцимæ байхъуыстой.
Æппæтвæрсыг уагæй ахуыргæнджытæн чи æххуыс кæны, курдиатджын сывæллæтты уыцы центр «Бæрзæнд» нымад у проектмæ цæстдарæгыл. Педагогтæ химийы, физикæ æмæ биологийы уæлæмхасæн профессион программæтæм (уыимæ – Курчатовы институты программæтæ дæр) гæсгæ рæстæгæй-рæстæгмæ дæсныдзинад уæлдæргæнæн курсытæ каст фæвæййынц. Нæ бæстæ кæй хъуаг у, ацы кълæстæ байгом кæныны æууæл ахъаз кæны ахуыргæндтæ æмæ инженерты уыцы ног фæлтæр хъомыл кæнынæн.
РЦИ-Аланийы Ахуырад æмæ наукæйы министрады
пресс-службæ