Цæгат Ирыстоны паддзахадон университеты аивæдты факультеты актерон хайад каст чи фæвæййы, уыцы студенттæ дипломон куысты хуызы равдисдзысты Хъайттаты Сергейы пьесæ «Нарты Сослан»-ы темæмæ гæсгæ цæттæгонд æмном спектакль.
Спектаклы проектыл æрныхас кодтой амынд факультеты минæвæрттæ æмæ Ирон театры артисттæ.
Фæстæдæр спектаклыл кусыны рæстæг кæй банымайдзысты, театралтæ студенттæн ахæм уынаффæтæ фехъусын кодтой. Режиссер Æлбегаты Аланы фæндонæй спектакль рагон сюжеттæ æмæ ныры дуджы æууæлтæ кæй иу кæны, уый нымайгæйæ, незаманты нарты царды фæзындысты æнæнхъæлæджы фæзилæнтæ (зæгъæм, нырыккон æхсæнады бирæ хъæндзинæдтæ фенæн кæм ис, дæлзæххон цард æвдыст цæуы æхсæвы кусæг ахæм клубы хуызы). Спектаклы сæйраг архайæг фæлывд миты амæттаг бауыдзæн æви нæ, театрдзаутæ уый базондзысты.
Спектакль ивгъуыд æмæ ныры дугты цард кæй иу кæны, уый банымайæн ис йæ хорздзинадыл. Нырыккон æууæлты фæрцы театрдзаутæн уыдзæн Нарты Сосланы цардимæ базонгæ уæвыны æмæ йын йæ адзал феныны фадат (уыимæ, нæ уацмыс зонгæ кæны нæ рагфыдæлты куырыхондзинад æмæ сæ ныстуантимæ).
Цæгат Ирыстоны
паддзахадон
университеты
пресс-службæ
