Республикæмæ кусæг балцы ссыд Уæрæсейы энергетикæйы министр Сергей Цивилев. Республикæйы Сæргълæууæг Сергей Меняйлоимæ æрдзырдтой артаг æмæ энергетикон комплексы рæзты фарстатыл.
Рæгъмæ рахастæуыд фæззыгон-зымæгон афонмæ цæттæ кæныны, республикæйы хызон хæдзарады рацарæзты, æмæ фæзуатон электрон тыхæн дзуапдæттæг хæдзарад – «Россети Цæгат Кавказ»-ы хайад «Цæгкавказэнерго»-йы авналæнтæ.
Уымæй уæлдай, фæбæрæг кодтой кæройнаг фæлхасгæнджыты электрон тыхæй æфсадыны программæ республикæйы æххæст кæныны хъуыддаг. Ацы къабазы куыстытæ конд цæуынц Уæрæсейы Президенты уынаффæйæ. Нæ республикæ ис, ацы программæ æххæсгонд кæм цæуы, уыцы регионтимæ. Уæрæсейы Энергетикæйы министрады йæ равзæрстой иннæты ‘хсæн.
Цæгат Ирыстоны ныридæгæн цæрæнуатон-коммуналон хæдзарад æмæ артаджы-энергетикон къабаз фæззыгон-зымæгон афонмæ цæттæ кæнынмæ бавнæлдтой. Сергей Цивилев æмæ Сергей Меняйло фæбæрæг кодтой æндæр ахсджиаг нысантæ дæр, республикæйы цæрджытæм газ уадзыны фарстатæ. Ныртæккæ Цæгат Ирыстоны уыцы бæрæггæнæн у 95,6 проценты.
РЦИ-Аланийы Сæргълæууæг
æмæ Хицауады пресс-службæ
