Цæгат Ирыстоны медицинон колледжы кадджын уавæры радтой дипломтæ, «Медицинон хотæ», зæгъгæ, хайад каст чи фæци, уыцы æрыгон специалисттæн. 77 студенты райстой иттæг хорз бæрæггæнæнтимæ æвдисæндартæ.
Рауагъдонтæн, æдæппæт уыдысты 615 адæймаджы, уыцы æхсызгон цауы фæдыл раарфæ кæнынмæ æрбацыдысты Цæгат Ирыстоны Хицауад æмæ Парламенты, Æнæниздзинад хъахъхъæнынады министрады, Дзæуджыхъæуы админист-
рацийы, æхсæнадон организациты минæвæрттæ, хæстон быцæуты ветерантæ.
Раныхасгæнджытæ уæлдай стыр æргом аздæхтой, колледжы директор Реуазты Таймураз йæ куысты мидæг, дæсны специалисттæ цæттæ кæныны æмрæнхъ, фæсивæды патриотон хъомыладмæ дæр стыр æргом кæй здахы, уымæ.
Кадджын гæххæттытæй сбæрæг кодтой, нæ бæстæйы историйы ахсджиагдæр цаутæ нæ рох кæнынмæ се стыр хай чи хæссы, æхсæнадон царды разæнгардæй архайынмæ чи тырны, сæрмагонд æфсæддон операцийы хæстонтæн се ’ххуысы хай чи кæны, уыцы студентты. Зæгъæм, бирæтæ дзы ахуыры азы рæстæг кодтой фронтæн æмбæхсæн хызтæ.
Хуыздæр студентты ныййарджытæн дæр раттой Арфæйы фыстæджытæ.
Нæ уацхæссæг
