Уæрæсейы регионты фæсивæдон политикæйы рæзтыл ныхас кæм цыд, Алагиры районы мидхъуыддæгты хайады Æхсæнадон советы уæнг, регионы Фæсивæдон парламенты депутат, «Фыццæгты змæлд»-ы районы хайады разамонæг Ханайты Таймураз архайдта Цæгат Ирыстоны паддзахадон университеты ацæуæг ахæм æмбырды.
Нæ регионы минæвæрттимæ иумæ дзыллон мадзалы архайдтой Дæллаг Новгороды Закъонæвæрæг æмбырды депутат Игорь Рузанкин, амынд æмбырды Фæсивæдон парламенты сæрдар Татьянæ Баранова æмæ æндæртæ. Цæгат Ирыстоны университеты ректор Огъуаты Аланы номæй фембæлды архайджытæн раарфæ кодта ахуыргæнæндоны фæсивæдон политикæйы управленийы хицау Ханайты Измаил.
Фæсивæд се ’ргом фылдæр кæмæ здахынц, ахæм фарстатыл æрныхас кæнгæйæ, æмбырды архайджытæ кæрæдзийæн куысты фæлтæрддзинадæй рахай кодтой.
Татьянæ Баранова биноныг радзырдта Дæллаг Новгороды Фæсивæдон парламенты арæзтад æмæ ацы парламенты куысты сæйраг къабæзты тыххæй хабæрттæ. Цæгат Ирыстоны Фæсивæдон парламент кæй æххæст кæны, ныхасы
рæстæг амынд парламенты сæрдар Куыдзиаты Азæмæт уыцы сæйраг проект-
ты, стæй хицаудзинады регионалон оргæнтимæ æмгуыстады тыххæй ра-
дзырдта. Фæсивæдон парламентты минæвæрттæ фехъусын кодтой профилон комитетты куысты тыххæй хабæрттæ.
– Фæсивæдон политикæйы райрæзт ахъаз кæны фæсивæды æхсæн экстремизмы ныхмæ архайдæн, стæй бæстæйы экономикон æмæ социалон-культурон фæрныгадæн, Æхсæнад нывыл кæнынæн чи ахъаз кæндзæн, фæсивæд нымад сты ахæм стратегион авналæныл. Хъуыддаг цæмæй фæрæстмæ уа, уый тыххæй ацы авналæнæй пайда кæнын хъæуы æмбæлгæ уагæй, – загъта Ханайты Таймураз
Гæззаты Зæринæ,
Алагиры районы
мидхъуыддæгты
