Парти «Иугонд Уæрæсе»-йы хъæппæрисæй арæзт æрцыд Æппæтуæрæсеон агродиктант. Цæгат Ирыстон-Аланийы йæ сæйраг бынат уыдзæн Хæххон паддзахадон аграрон университеты. Республикæйы 46 бынаты 8-12 октябрмæ зайæгойтæ, фосдарынад æмæ кæсаджы хæдзарæдты, агротуризм æмæ æндæр темæты сбæрæг кæнæн уыдзæн сæ зонындзинæдтæ диктанты архайджытæн.
Нысангонд куыд цæуы, афтæмæй дзы æгас бæстæйы архайдзæн
милуан, республикæйы та мин адæймагæй фылдæр. Уыдон уыдзысты скъолаты ахуырдзаутæ, студенттæ, куыстуæтты æмæ хица-уады оргæнты минæвæрттæ. Диктант ныффыссæн уыдзæн дæрддзæф уавæрты дæр.
«Ацы хъуыддаг фæсивæды сцымыдис кæн-дзæн аграрон къабазмæ.
Хъæууон хæдзарад паддзахады хицæн къабаз у, уымæ гæсгæ, махæн ахсджиаг у, цæмæй зайæгойтæ æмæ фосдарыны къабазы чи архайы, уыдон фæфылдæр кæной сæ зонындзинæдтæ», – банысан кодта партион проект «Уæрæсейаг хъæу»-ы регионалон координатор, республикæйы Парламенты Аграрон политикæйы комитеты сæрдар Качараты Олег. Диктанты архайджыты 45 минутмæ дзуапп раттын бахъæудзæн зайæгойтæ, фосдарынад, кæсаджы хæдзарæдтæ, цифровизаци, Агропромышленнон комплексы продукци фæсарæнтæм æрвитыны 30 фарстайæн. Бавналдзысты органикон зæххы куыст, агротуризм, хойраджы æдасдзинады фарстатæм дæр. Хæслæвæрдтæ алыхуызон картæм гæсгæ дихгонд æрцыдысты цыппар хайыл. Акци арæзт цæуы «Иугонд Уæрæсе»-йы партион проект «Уæрæсейаг хъæу»-мæ гæсгæ æмæ баст у Хъæууон хæдзарад æмæ хомагкуыстгæнæн промышленносты кусæджы бонимæ. Банысан кæнын хъæуы уый, агропромышленнон комплексы райрæзт у парти «Иугонд Уæрæсе»-йы адæмон программæйы ахсджиаг фæндæгтæн.
Санаты Альбинæ
