Æртæ цæгатирыстойнаг астæуккаг скъолайы хаст æрцыдысты, хуыздæр ахуырадон æмæ хъомыладон бæрæггæнæнтæ чи æвдисы, уыцы кусæндæтты федералон номхыгъдмæ.
Уый тыххæй фехъусын кодта Цæгат Ирыстоны ахуырад æмæ наукæйы министр Алыбегты Эллæ.
Министры ныхасмæ гæсгæ, федералон рейтингмæ бахастой дзæуджыхъæуккаг кусæндæттæ: 11– æмæ 44-æм скъолатæ æмæ гимназ «Диалог».
«Ахæм æнтыстдзинады тыххæй арфæ кæнын скъолаты коллективтæ – педагогтæн, иннæ специалисттæн æмæ ахуырдзаутæн, стæй æппæт ныййарджытæн дæр. Ноджы стырдæр æнтыстдзинæдтæ сын мæ зæрдæ зæгъы. Уыимæ, амынд скъолаты колективтæй курæг дæн, цæмæй бабиноныг кæной сæ куысты фæлтæрддзинад æмæ дзы рæдауæй фæхай кæной иннæ ахуырадон кусæндæттæн дæр. Куысты ахæм дæсныдзинад цæвиттойнаг хъуамæ уа республикæйы æппæт ахуырадон кусæндæттæн дæр», – йæ телеграм-каналы ныффыста министр.
Нæ уацхæссæг
