Дзæуджыхъæуы 36-æм скъолайы байгом кæндзысты архитектуронарæзтадон профилон кълæстæ.
Цæгат Ирыстоны Хицауады Сæрдары фыццаг хæдивæг Отарты Георги йæ телеграм-каналы куыд фыссы, афтæмæй программæ арæзт уыдзæн техникон дисциплинæты – хими æмæ физикæйы – биноныг ахуырадмæ.
Уымæй уæлдай, ахуыргæнæндоны фæзындзысты уæлæмхасæн предметтæ: инженерон графикæ æмæ 3-а моделарæзтад. Хицауы бынатахсæг адæймаджы ныхасмæ гæсгæ, аразджытæ æмæ архитектортæ нæ регионы фаг нæй.
Ныридæгæн черченийы уроктæ ахуырадон программæмæ æрбаздæхтой. Ацы ахуыры азæй фæстæмæ амынд уроктæ фæзындысты профилон агъоммæ 7-æм къласы. Иннæ ахуыры азæй фæстæмæ профилон дисциплинæтæ амонын райдайдзысты дæсæмкъласонтæн.
Ахуырадон пълан æххæст кæнынц Цæгат Кавказы хæххон-металлургон инс-
титуты арæзтадон æмæ архитектурон факультетты декантимæ иумæ. Ацы адæймæгтæ дæр скъоладзауты ахуырады архайдзысты. Хистæр курсыты студенттæ цæттæ сты
ахуыргæнджытæй кусынмæ, факультетты фæзты та цæудзысты практикон ахуыртæ.
Ацы куыст цæуы арæзтадон техникумимæ дæр. Скъола ацы техникумимæ кæй сфидар кодта, уыцы бадзырдмæ гæсгæ, скъоладзаутæ базонгæ уыдзысты кусæг дæсныйæдтимæ, стæй, техникумы кæй амонынц, технологийы уыцы уроктæм æрбацæудзысты.
Отары-фырт куыд загъта, афтæмæй æмгуыстады хæс у арæзтадон къабазы специалистты ног фæлтæр бацæттæ кæнын æмæ кадрты кадавары фарста алыг кæнын.
Саутæты Тамилæ
