Цæгат Ирыстон дарддæр æххæст кæны ныййарджытæ æмæ сабиты хъахъхъæнынады системæйы райрæзты фæдыл куыст.
Ацы аз нæ регион æххæст кæнын кæй райдыдта, национ проект «Бинонтæ»-мæ хауæг уыцы ног проекты хæс у сывæллæттæ ныййарыны фæндскæнæг адæймæгтæн, стæй сабитæн конд медицинон æххуысы хæрзхъæддзинад фæнывыл кæнын. Проект фæахъаз уыдзæн адæмы репродуктивон æнæниз-дзинад фæфидар кæнынæн æмæ æнхъæлцау сылгоймæгтæн æдас уавæртæ саразынæн.
Ног проектмæ гæсгæ, Республикон клиникон рынчындоны арæн хайад сифтонг кæндзысты нырыккон медицинон техникæйæ. Медицинон кусæндон кусæнгæрзтæй æххæстæй сифтонг кæнынæн хъæугæ медицинон дзаумæтты номхыгъдмæ кæй бахастой, кусæнгæрзты уыцы 207 иуæджы фæрцы уыдзæн специалистты куысты фадæттæ бæлвырд фæуæрæх кæныны, стæй акушерон-гинекологон æххуысы хæрзхъæддзинад фæуæлдæр кæныны фадат.
Хъуыддаг саразынæн кæй рахай кодтой, 186 милуан сомæй фылдæры бæрц уыцы æхцайæ балхæндзысты æдасдзинады домæнты аккаг нырыккон аппаратурæ. Ифтонггæрзты фæрцы уыдзæн сывæрджын сылгоймæгтæ æмæ медицинон кусджытæн нырæй удæнцойдæр уавæртæ саразыны, стæй арæн хайады куысты ахадын-
дзинад фæфылдæр кæныны фадат.
Проект баххæст кæныны хъуыддаг фæахъаз уыдзæн регионы медицинон инфраструктурæйы рæзтæн, стæй репродуктивон æнæниздзинад хъахъхъæнынады системæ фæфидар кæнынæн.
Джихаты Стэллæ
