Цæгат Ирыстоны паддзахадон университеты историон факультеты цæттæкæнынады къабаз «Социологи»-йы магистрант, Æппæтуæрæсеон адæмон фронты цæгатирыстойнаг хайады фæсивæдон дæлхайады координатор Акъоты Батрадз дыккаг аз кусы программæ «Афæдзы бæрæггæнæнтæ Владимир Путинимæ»-йы иугонд редакцийы.
Ацы аз студент-социолог æххæст кæны редакцийы оператортæм цæстдарæджы бæрнон куыст (оператортæ адæмæй æрбафтæг курдиæттæ куыд æвзарынц, уымæ цæст дары). Фарон Батрадз йæхæдæг куыста колл-центры операторæй, адæмæй æрбафтæг фарстытæ иста.
– Афæдзмæ цæгатирыстойнæгтæй «Комкоммæ бастдзинад»-мæ æрбафтыд аст мин курдиаты бæрц. Нæ бархионты хæс у адæмы лыггæнинаг фарстатæ биноныг рахатын æмæ алы курдиаты мидис дæр сбæлвырд кæнын. Адæм сæ тыхстаг фарстатæ цæмæй фехъусын кæной æмæ сæ ахсджиаг фарстытæн дзуаппытæ цæмæй райсой, адæмимæ ныхасы ацы хуыз уымæн ахъаз кæны. Паддзахады разамонæгмæ комкоммæ фарст радтыны фадат кæй фæрцы ис, уæрæсейæгтæ раздæрау уыцы «Комкоммæ бастдзинад»-мæ стыр æргом здахынц, – зæгъы Акъойы-фырт.
«Комкоммæ бастдзинад»-мæ фарстытæ исдзысты 19 декабры æмгъуыдмæ. Адæймагæн ис программæйы официалон сайт «moskva-putinu.ru (москва-путину.рф)»-йы фæрцы хи фарст бæстæйы Президентмæ раттыны бар.
Цæгат Ирыстоны
паддзахадон
университеты
пресс-службæ
