РЦИ-Аланийы мидхъуыддæгты оргæнты историйы музейы, пъæлицæйы æрыгон кусджытæн – ведомствæйы уæлдæр ахуыргæнæндæтты рауагъдонтæн кадджын уавæры раттой сæ бæрнон куысты фыццаг æвдисæндартæ.
Бæрæгбоны кадджын уазджытæ уыдысты регионы мидхъуыддæгты министры хæдивæг, Цæгат Кавказы федералон зылды Мидхъуыддæгты министрады цур Æхсæнадон советы сæрдар Сихъоты Сослан, сауджын Димитрий Кондратьев, Дзæуджыхъæуы Мидхъуыддæгты управленийы æхсæнадон советы сæрдар Анатолий Позмогов, Мидхъуыддæгты министрады ветеранты советы сæрдар Хуымарты Эльбрус æмæ иннæтæ.
Пъæлицæйы æрыгон кусджытæн зæрдæбын арфæ ракодта республикæйы мидхъуыддæгты министры хæдивæг: «Цæрджыты сабыр цард хъахъхъæнын, закъоны фарс хæцын нырæй фæстæмæ суыдзæнис уæ фыццаградон архайд. Ацы бон не ‘ппæтæн дæр уыдзæн зæрдылдаргæ. Сæйраг документ, уæ куысты æвдисæндар сымахæн дæтты бартæ, стæй уыл бирæ хæстæ дæр æвæры»
Æрыгон чызджытæ æмæ лæппутимæ дзургæйæ Сихъоты Сослан цæстуарзонæй фæнысан кодта, пъæлицæйы кусæджы дæсныйад равзаргæйæ хъуамæ сæ хъысмæт сбæттой сæ дзуапдæттæн, закъоны бындурыл архайдимæ.
– Сæрыстырæй хæссут пъæлицæйы кусæджы уæлæдарæс, æнтыстджын æмæ амондджын ут – загъта Сихъойы-фырт.
Фæсивæдæн арфæтæ кæнгæйæ, Владимир Позмогов загъта, сæ размæ æвæрд хæстæ кæддæриддæр куыд æххæст кæной, уыимæ, пъæлицæйы кусæджы æгъдау æмæ кад бæрзонд куыд хæссой.
Чырыстон дины æгъдаумæ гæсгæ Фыд Димитрий, Фыдыбæстæйæн лæггад кæнынæн саргъуыдта æрыгон афицертыл æмæ сыл аргъуыд дон бапырх кодта. Кæронбæттæны райхъуыстысты Уæрæсейы æмæ Ирыстоны гимнтæ. Бæрæгбоны архайджытæ, зæрдылдарынæн иумæ сæ къам систой.
РЦИ-Аланийы Мидхъуыддæгты министрады пресс-службæ
