Тагъд медицинон æххуысы республикон рынчындоны кусджытæ архайдтой коронавирусы ныхмæ вакцинацийы. Афæдзы дæргъы, Covid-19 низæфтауæгимæ кусгæйæ, коллективы хай коронавирусæй кæд фæрынчын, уæддæр медикты ныхасмæ гæсгæ, вакцинацийы æнæмæнг архайын æмбæлы.
Ныридæгæн Дзæуджыхъæуы 7-æм поликлиникæйы мобилон бригады уæнгтæ рынчындоны цыппор кусæгæн вакцинацийы фыццаг хай скодтой.
— Æрвылбон ног коронавирусон низæфтауæджы уæззау хуызæй рынчын бирæ цæгатирыстойнæгты кæй уынæм, уый хатгæйæ, вакцинаци æнæмæнг æххæстгæнинаг кæй у, уый иннæтæй фылдæр æмбарæм. Вакцинацийы фæрцы рыны æртыккаг хайæ нæхи бахиздзыстæм, — загъта рынчындоны организацион-методикон хайады хицау Цъыккаты Аллæ.
Медикты ныхасмæ гæсгæ, ног коронавирусон низæфтауæгæй бахизынæн æппæтæй хуыздæр ахъаз кæны вакцинаци.
— Фæстаг рæстæг коронавирусæй рынчынты нымæц кæд фæкъаддæр, уæддæр низы уæззау хуызæй сæйæг адæмы нымæц раздæрау стыр кæй у, уый нымайгæйæ, цæгатирыстойнæгтæн хæссæм коронавирусæй бахизыны фæдыл æппæт уынаффæтæ æххæст кæныны (уыимæ — вакцинаци ацæуыны) фæндон, — зæгъы медик.
Джихаты Стэллæ