Комитет по делам печати и массовых коммуникаций Республики Северная Осетия-Алания сообщает, что об известных фактах коррупции в комитете и его подведомственных организациях, можно проинформировать по телефону 29-29-10 (доб. 004) и по адресу электронной почты admin@kpmk15.ru Ивгъуыд сабат æмæ хуыцаубоны спортивон комплекс «Динамо»-йы кикбоксингæй цыдысты Цæгат Ирыстоны фыццаг бынат бацахсыныл ерыстæ æрыгæтты ‘хсæн. Ерысты архайдтой цыппар кары спортсментæ. Сæ нысан уыди сбæрæг кæнын, нæ республикæйы номæй Цæгат Кавказы федералон зылды ерысты чи тох кæндзæн ринджы, уыцы кикбоксерты
Æппæты кæстæр спортсментæ (2007-2008 азты гуырд) хæцыдысты аст уæзы. Æппæты рогдæр уæз ацы кары уыди 28 кг онг, æппæты уæззаудæр та 63 кг.
10—11-аздзыд лæппутæ сæхи равдыстой æцæг лæгтау. Ацы кары æвзонг кикбоксертæ тох кодтой «Лайт-контакт»-ы хуызæй, ома дзы комкоммæ цæвыны бар нæй. Уымæ гæсгæ лæппуты равдисын хъуыди хорз техникон цæттæдзинад, æмæ уыцы домæн сæ фылдæрæн сæххæст кæнын æвзæр нæ бантыст. Рæсугъд тохтæ равдисгæйæ, фыццаг бынæттæ бацахстой: 28 кг — Давид Хачатурянц (3-æм скъола), 30 кг — Максим Карачев (4- æм скъола), 32 кг — Джемал Шахбиев (3-æм скъола), 34 кг — Кучиты Георги (г.Беслæн), 40 кг — Беккуызарты Алыбег (3-æм скъола), 44 кг — Хъазиты Давид (г.Беслæн), 54 кг — Артур Мирошников (3-æм скъола), 63 кг — Миндзайты Алан (г.Беслæн). 2005-2006, 2003-2004, 2001-2002 азты гуырд кикбоксертæ ерыс кодтой «Фулл — контакт»-ы хуызæй. Кикбоксинджы ацы хуызæй ис цæвæн, куыд къухæй, афтæ къахæй дæр, æмæ та ацы хуызы тохтæ дæр рауадысты цымыдисаг.
2005-2006 азты гуырд спортсменты ерысты уæлахиздзаутæ систы: 34 кг — Дойаты Дзамболат (3-æм скъола), 39 кг — Коцойты Дзамболат (3-æм скъола), 45 кг — Георгий Долгов (г.Беслæн) 48 кг — Тотраты Давид (г. Беслæн), 51 кг — Касаты Сæрмæт (3-æм скъола), 60 кг — Кудзаты Хетæг (4-æм скъола), 63 кг — Михаил Чирво (3-æм скъола), 66 кг — Гуацъæты Давид (Лæгæй-лæгмæ тохты скъола), 70 кг — Цопанаты Константин (г. Æрыдон). Ацы кары тохты цалдæр лæппуйы сæхи равдыстой уæлдай сæрæндæрæй, æмæ ныридæгæн бæрæг у, семæ лæмбынæг куыст куы цæуа, уæд сæ бон у стыр бæрзæндтæм схизын.
Уый зæгъæн ис иннæ фæсивæдæй дæр. 2003— 2004 азты гуырд лæппуты ерысты фыццаг бынæттæм рацыдысты: 48 кг — Бахъаты Раман (3-æм скъола), 54 кг — Томайты Артур (Дзæуджыхъæу), 57 кг — Гæджынаты Руслан (3-æм скъола), 60 кг — Гуыриаты Тамерлан (г.Беслæн), 63,5 кг — Цъугкиты Владимир (г.Дзæуджыхъæу), 67 кг — Уалыты Тамерлан (4-æм скъола), 75 кг Акъоты Владимир (3- æм скъола), 81 кг — Джыккайты Давид (3-æм скъола), + 81 кг — Касаты Зелим (3-æм скъола). 2001-2002 азты гуырд кикбоксертæй уæлахиздзаутæ систы: 48 кг — Дыгъуызты Азæмæт (3-æм скъола), 57 кг — Туаты Георги (3-æм скъола), 60 кг — Азиаты Сафар (3-æм скъола), 63,5 кг — Дауиаты Инал (4-æм скъола), 67 кг — Рæмонты Сæрмæт (4-æм скъола), 71 кг — Абайты Марат (4-æм скъола), 86 кг — Гермæн Чмыхов (4-æм скъола).
Уæлахиздзаутæ æмæ призон бынæттæ бацахсджытæ хорзæхджын систы майдантæй æмæ грамотæтæй. Лæгæй-лæгмæ тохты хуыз «К»-1-æй дунейы 2 хатты чемпион, РЦИ-Аланийы кикбоксинджы федерацийы вице-президент Айларты Тимур йæхи номæй æхцайы лæвæрттæ ракодта, цыппар кары дæр уæлахизмæ тырнындзинад ирддæрæй чи равдыста, уыцы лæппутæн. Уыдон уыдысты: Дзукъаты Артур (2007—2008 азтæ), Æгайты Рустам (2005—2008 азтæ), Хадаты Руслан (2003—2004 азтæ), Анзор Шарманов (2001-2002 азтæ).
Нæ лæппутæ ринджы сæхи куыд равдыстой, уый тыххæй Айларты Тимур загъта: «Æнæмæнг, нæ фæсивæды архайд техникон хъуыддагæй хуыздæрæй-хуыздæр кæны. Уæдæ сæм уæлахизмæ тырнындзинад дæр æвзæр нæй. Ам мах федтам къорд курдиатджын лæппуйы, æмæ уыдон сæхиуыл зæрдиагæй куы кусой, уæд чысыл фæстæдæр кæйдæрты нæмттæ хъуамæ райхъуысой, куыд стыр ерысты фесгуыхæг кикбоксинджы мастертæ».
РЦИ-Аланийы кикбоксинджы федерацийы президент Кодзырты Таймураз дæр фæсивæды архайдæй разыйæ баззад: «Мæнмæ гæсгæ, нæ спортсменты арæхстдзинад рæзы. Ныр мах нæ фæсивæды цæттæ кæндзыстæм Цæгат Кавказы федералон зылды ерыстæм. Уым сæ размæ уыдзæн хæс: Уæрæсейы фыццаг бынат бацахсыныл ерыстæм балцæгтæ рамбулын. Дарддæр та нæ фæнды нæ хъомылгæнинæгты дунеон ерысты фенын. Нæ хъомылгæнинæгты ерыстæм чи цæттæ кæны, уыцы тренертæ Гæцойты Эльбрус, Василий Мельников, Хаситы Дмитри, Антон Абрамов, Олег Калантаров, Руслан Магомедов, Къусраты Рамиз, Атайты Ибрагим, Игорь Весенинский сты арфæйы аккаг. Мæ зæрдæ сын зæгъы, сæ хъомылгæнинæгтæй кæдфæнды дæр разы куыд уой, сæ размæ цы стыр хæстæ сæвæрдтой, уыдон сын сæххæст кæнын куыд бантыса.»
Ерысты сæйраг тæрхонгæнæг Гæцойты Эльбрус ма ацы ныхæстæм бафтыдта: «Нæ ерыстæ æнæкъуылымпыйæ кæй ацыдысты, уый тыххæй стыр бузныг зæгъæм нæ республикæйы Физикон культурæ æмæ спорты министрадæн, мидхъуыддæгты министр Михаил Скоковæн, Тагъд медицинон æххуысы станцæйæн. Хицæн арфæйы аккаг сты нæ тæрхонгæнджытæ. Уыдон къæрцхъусæй кæй куыстой, уый руаджы нæ ерыстæ ацыдысты æнæ уæззау цæфтæй. Тренерты номæй бузныг зæгъын нæ хъомылгæнинæгты ныййарджытæн. Уыдон кæдфæнды дæр вæййынц нæ фарсмæ æмæ махæн сты нæ ныфс!».
БАСКАТЫ Уырызмæг
