Национ проект «Демографи»-мӕ гӕсгӕ Цӕгат Ирыстоны Адӕмӕн куыстдӕттӕг комитет ӕнтыстджынӕй кӕны пенсион кары агъоммӕ адӕмы ног дӕсныйӕдтыл ахуыр кӕныны куыст.
Ацы дзыллон мадзалы хӕс у хистӕр фӕлтӕры профессион зонындзинӕдтӕ бахъахъхъӕнын ӕмӕ пенсион кары агъоммӕ адӕмы дӕсныдзинад сног кӕнынӕн ахъаз кӕнын.
Ацы аз йӕ пълан у 253 адӕймаджы. Иумӕйагӕй сыл ӕхца бахардз кӕндзысты 17,3 милуан сомы (16,4 милуан сомы — федералон бюджетӕй).
Ныртӕккӕ ахуыр кӕнынц 487 адӕймаджы ( пъланӕй 234 адӕймаджы фылдӕр). Бахардз сыл кӕндзысты 12,6 милуан сомы. 386 ахуырдзауы сты кусджытӕ ӕмӕ стипенди нӕ исынц, 101 та сты ӕгуыст адӕм (ахуыры фӕстӕ сӕ зӕрды ис ног куысты бынӕттӕм бацӕуын). Ацы хъуыддӕгтыл хардзгонд цӕуы 15,5 милуан сомы.
Ацы аз 16 уӕлдӕр ӕмӕ астӕуккаг профессион ахуыргӕнӕндонимӕ 26 дӕсныйадмӕ гӕсгӕ сфидар кодтой 96 бадзырды. Стӕмтӕй фӕстӕмӕ ацы хъуыддаджы архайынц нӕ республикӕйы ӕппӕт паддзахадон ахуыргӕнӕндӕттӕ.
Национ проекты фӕрцы ахуыргӕнӕндӕттӕн ис ног профессион стандартты къӕпхӕнмӕ схизыны, куыстдӕтджытимӕ уӕлӕмхасӕн цӕттӕдзинады нырыккон программӕтыл бакусыны ӕмӕ ӕнӕбюджетон ӕфтиӕгтӕ райсыны фадат.
РЦИ-Аланийы Адӕмӕн куыстдӕттӕг комитеты пресс-службӕ
