Иумæйаг биометрикон системæ

0
418

 

1 июлæй фæстæмæ архайын райдыдта иумæйаг биометрикон системæ. Уæрæсейаг банктæ æмбырд кæнын райдыдтой клиентты биометрикон бæрæггæнæнтæ (ацы æууæлы фæрцы уæрæсейæгтæн уыдзæн банчы лæггæдтæй дистанцион уагæй пайда кæныны фадат).

Биометрикон бæрæггæнæнты æххуысæй дистанцион уагæй суанг клиентты рахатыны æмæ сын Интернеты фæрцы къорд лæггады бакæныны (ацы клиенттæ сæхæдæг банкмæ не ‘рбацæудзысты, зæгъгæ, ахæм æууæлимæ) бар банктæн чи дæтты, фарон Уæрæсейы Президент Владимир Путин йæ къух æрæвæрдта ахæм закъоны. Дистанцион биометрикон рахатынады фæтк архайын кæй фæрцы райдыдта, амынд закъоны уыцы уагæвæрдты хай йæ тыхы бацыд хæрзæрæджы.

Уæрæсейæгты нæмттæ бæлвырд кæндзысты нæмттæ бæлвырдкæнынады æмæ аутентификацийы иумæйаг системæйы æххуысæй, Иумæйаг биометрикон системæ та биометрикон бæрæггæнæнтæ бавдисдзæн. Системæйы оператор у «Ростелеком». Райдайæны лæвæрд биометрикон буаргъæдтæ бæрæггæнæнты аккаг сты æви нæ, биометрикон бæрæггæнæнтæ æмбырд кæнгæйæ æмæ сæ æфснайдæй даргæйæ, компани уый бæлвырд кæндзæн. Системæйæ коммерцион уагæй пайда кæнын райдыдтой. Биометрикон системæйæ чи пайда кæндзæн, уыцы банкты номхыгъд бавдисдзæн Сæйраг банк. Афæдзы дæргъы иу хаттæй фылдæр æхцаимæ, кæнæ æндæр исбонимæ оператортæм æнæмæнг æххæстгæнинаг цæстдарды домæнтæ хæлд кæд æрцæуой, уæд регулятормæ уыдзæн дистанцион рахатынады барæй банкты фæцух кæныны бар.

Иумæйаг биометрикон системæ рахатынадæн дыууæ бæрæггæнæнæй хъæлæсон профиль æмæ къамæй кæй пайда кæндзæн, уымæ гæсгæ уыдзæн адæймаджы ноджы бæлвырддæрæй базоныны фадат. Системæйы бæрæггæнæнтимæ хъауджыдзинад кæд рауайа, уæд системæйы хъахъхъæнæн æууæлтæ рахатынадæн кæрон сæвæрдзысты. Ацы азы кæронмæ биометрикон бæрæггæнæнтæ æмбырд кæнын райдайдзысты ВТБ банчы чысыл хъуагæй 200 офисы, фæстæдæр та ифтонггæрзтæ æрæвæрдзысты æппæт уæйгæнæн бынæтты.

Райдайæны альфæ-банк биометрикон бæрæггæнæнтæ æмбырд кæнын райдайдзæн дыууæ хайы, афæдзы кæронмæ та биометрикон бæрæггæнæнтæ æмбырд кæнын райдайдзысты 87 хайады.

«Ростелеком»— ы пресс-службæ

ОСТАВЬТЕ ОТВЕТ

Please enter your comment!
Please enter your name here