Акционерон æхсæнад «Севкавказэнерго»-йы уынаффæйадон директоры хæстæ æххæстгæнæг Андрей ЕРЕШКИН электрон тых уæйгæнæг кусæндоны æртæ кусæгæн кадджын уавæры радта ведомствойы хæрзиуджытæ.
— Электрон тых уæйгæнæг кусæндоны æнæлаз куыстæн ис стыр ахадындзинад. Сымахæй алчидæр энергетикон къабазы рæзтмæ аккаг æвæрæн кæй хæссы, уый фæрцы нæ кусæндон æнтыстджынæй кусы. Ууыл дзурæг сты афæдзы æмбисы куыстадон бæрæггæнæнтæ. Сымах кусут энергокомпанийы алы къабæзты, фæлæ уæ куыстыл æнувыд кæй стут æмæ уæ дæсныйады бæрзæндтæм кæй тырнут, уыдæттæ уæ иу кæнынц, — загъта Андрей Ерешкин.
Акционерон æхсæнад «МРСК Северного Кавказа»-йы генералон директор Юрий Зайцевы бардзырдмæ гæсгæ æнаипп куысты тыххæй æмæ «МРСК Северного Кавказа»-йы сæвзæрды фæдыл Кады гæххæттытæй хорзæхджынгонд æрцыдысты электрон тых уæйгæнæг кусæндоны дзæуджыхъæуккаг хайады хицауы хæдивæг Дудайты Маринæ, амынд хайады хистæр мастер Фатимæ Кривоногова æмæ Мæздæджы электрон тых уæйгæнæг кусæндоны хайады инспектор Александр Немов.
— Нæ куыстæн стыр аргъ кæй скодтат, уый тыххæй уын — бузныг. Хæрзиуджытæ нæ разæнгард кæндзысты дарддæры æнæлаз куыстмæ, — загъта Дудайты Маринæ. «Севкавказэнерго»-йы пресс-службæ
