Курдиатджын фæсивæды хъомыс раргом кæнынæн

0
251

РЦИ-Аланийы Сæргълæууæг БИТАРТЫ Вячеслав дзы сæрдариуæг кодта, афтæмæй уыд республикæйы Проектон офисы радон æмбырд. Фембæлды архайджытæ цы фарстытыл æрдзырдтой, уыдонæй иу уыд Цæгат Ирыстоны Курдиатджын сывæллæттæ æмæ фæсивæды хъомыс раргом кæнынæн ахъазгæнæг центры проект.

Фарстыл дзургæйæ, республикæйы ахуырад æмæ наукæйы министр Людмилæ Башарина куыд фехъусын кодта, афтæмæй министрады специалисттæ бæстон æркастысты æппæтуæрæсеон ахуырадон центр «Сириус»-ы фæлтæрддзинадмæ.  Куыд зонæм, афтæмæй уыцы центр горæт Сочийы байгом Уæрæсейы Президент Владимир Путины хъæппæрисæй. Уыцы ахуырадон-хъомыладон кусæндоны нысан у курдиатджын сывæллæтты хъомыс раргом æмæ дарддæры рæзтæн уæлæмхасæн фадæттæ аразын.

Министры ныхасмæ гæсгæ, нæ республикæйы ахæм центры хъомылгæнинæгтæ суыдзысты 5-11-æм кълæсты ахуырдзаутæ. Уыдонæн фыццаг къæпхæны ахуырадон семинартæ араздзысты наукæ æмæ культурæйы темæтыл. Людмилæ Башарина куыд загъта, афтæмæй ног центры хъомылгæнинæгтæ æвзæрст цæудзысты алы предметтæй республикон ахуырадон олимпиадæты уæлахиздзаутæ æмæ архайджыты ‘хсæнæй. Уыимæ, центры кусдзысты, куыд нæхи ахуыргæнджытæ, афтæ æндæр уæрæсейаг регионты хуыздæр специалисттæ дæр.

— Куыд нысан кæнæм, афтæмæй нæ республикон центры кусдзысты раззагдæр специалисттæ — уыцы æууæлы фæрцы уæрæхдæр пайдагонд цæудзæн æппæты нырыккондæр ахуырадон технологитæй, центры хъомылгæнинæгты курдиат раргом кæнынæн фæзындзæн уæрæхдæр фадæттæ. Уыимæ, фидæны центры чи кусдзæн, уыцы бынæттон специалисттæн та рагагъоммæ саразын хъæуы сæрмагонд ахуыртæ, — бæрнон ведомствæты разамонджытæн бахæс кодта республикæйы Сæргълæууæг.

Ног ахуырадон центр æрбынæттон уыдзæн Дзæуджыхъæуы Доны станцæмæ æввахс. 50 бынаты кæм уыдзæн, уыцы центры æрбынæттон уыдзысты ботаникон дыргъдон, амфитеатр, футболы, баскетбол æмæ волейболы фæзтæ, стæй æндæр ахуырадон дæлхайæдтæ.

Зындгонд куыд у, афтæмæй æрæджы Уæрæсейы Федерацийы Президент Федералон Æмбырдмæ йæ æрвылазон Æрвыстæджы куыд фæнысан кодта, афтæмæй «бæстæйы уæрæхдæр кæны сывæллæтты техникон-инженерон сфæлдыстады центрты архайд. Уыимæ, уæлæмхасæн мадзæлттæ аразын хъæуы, цæмæй рæзгæ фæлтæрæн фылдæр фадæттæ уа музыкæйы, нывгæнынад æмæ сфæлдыстады иннæ къабæзты архайынæн».

Курдиатджын сывæллæтты хъомыс раргом кæнынæн сæрмагонд центр саразыны фарст æрæджы йæ æрвылазон Æрвыстæджы фæнысан кодта Цæгат Ирыстоны Сæргълæууæг дæр. «Зындгонд ахуырадон центр «Сириус»-ы фæлтæрддзинад хынцгæйæ, нæ республикæйы саразын хъæуы курдиатджын сывæллæттæ æмæ фæсивæды гæнæнтæ раргом кæнынæн ахъазгæнæг сæрмагонд центр», — загъд ис республикæйы разамонæджы Æрвыстæджы.

 

РЦИ-Аланийы

Сæргълæууæджы

æмæ Хицауады

пресс-службæ

ОСТАВЬТЕ ОТВЕТ

Please enter your comment!
Please enter your name here