Уæрæсейы Адæмты иудзинады азы фæткмæ гæсгæ Алагиры районы мидхъуыддæгты хайады кусæг, пъæлицæйы кæстæр лейтенант Быгъуылты Альберт æмæ амынд хайады Ветеранты советы сæрдар, пъæлицæйы отставкæйы булкъон Бицъоты Олег Алагиры 2-æм скъолайы 8-æм «Б» къласы кадеттæн амыдтой барадон хъусынгæнинæгты урок.
Скъоладзаутæ Уæрæсейы историйы, культурæйы, экономикæ æмæ сæрмагонд æфсæддон операцийы тыххæй фылдæр хабæрттæ цæмæй базоной, амынд урок уый тыххæй сарæзтæуыд.
Уæрæсейы Президент Владимир Путины раныхасы фæрцы кæй бацæттæ кодтой, фембæлды рæс-тæг кадеттæн равдыстой ахæм сæрмагонд киноныв «Итоги года: национальные достижения и стратегичес-кие ориентиры». Кинонывы ныхас цæуы ивгъуыд азы бæстæйы райрæзты сæйраг бæрæггæнæнтыл, стæй экономикон, социалон, наукон æмæ дунеон къабæзты фидæнмæ пълантыл. Скъолайы уазджытæ ахуырдзаутæн «Президентимæ комкоммæ лини»-йы тыххæй хабæрттæ дæр радзырдтой. Фыццаг хатт амынд дзыллон мадзал сарæзтой 2001 азы 24 декабры. «Комкоммæ лини» æппæтæй фылдæр рæстæг – 4 сахаты æмæ 47 минуты дæргъы – цыд 2013 аз (уыцы заман бæстæйы разамонæг адæмæй æрбафтæг 85 курдиатæн
дзуаппытæ ратта).
Алагиры районы мид-хъуыддæгты хайады кусджытæ æхсæнады минæвæрттимæ рæзгæ фæлтæры патриотон хъомылады разæнгардæй архайынц. Барадхъахъхъæнджыты фæндонæй скъоладзаутæн рæстæгæй-рæстæгмæ саразынц дзыллон мадзæлттæ.
Гæззаты Зæринæ,
Алагиры районы
мидхъуыддæгты
хайады инспектор
