Республикæ Кæсæг-Балхъары Æнæниздзинады министрады делегаци Хуссар Ирыстонæн методикон æгъдауæй баххуыс кодта æвæстиаты медицинон æххуысæй. Уæрæсейы Федерацийы æнæниздзинад хъахъхъæнынады министр Михаил Мурашко бахæс кодта Республикæ Кæсæг-Балхъары министрадæн Хуссар Ирыстон бабæрæг кæнын.
Республикæ Кæсæг-Балхъар ахæм нысантæн хуымæтæджы æвзæрст не ‘рцыд. Регион зынгæ бынат ахсы Уæрæсейы субъектты ‘хсæн æнæниздзинады бирæ фарстаты. Республикæйы бæрæггонд æрцыд, зæрдæйы æмæ туджы низтæй, стæй сывæллæтты мæлыны цауты æппæты ныллæгдæр æмвæзад, адæймаджы цæрыны азты бæрæггæнæн та – уæлдæр. Уымæй уæлдай, регионы 30 медицинон организациты æнтыстджынæй кусы хæрзхъæддзинады менеджменты системæ. Уый та ууыл дзуры, æмæ республикæйы медицинон æххуысы архайд кæй ис бæрзонд æмвæзадыл.
Кæсæг-Балхъар æмæ Хуссар Ирыстоны æмархайды фæзилæнтæй иу у – пациентты маршрутизацийы схемæ. Специалисттæ бакуыстой, рынчынтæн сæхимæ Цхинвалы республикон бирæпрофилон медицинон центры æмæ республикæйы медицинон куыстуæтты дохтыртыл æрзилыны тыххæй ахъаззагдæр мадзал – æнтыстджын маршрутыл. Уыцы маршрут фадат дæтты рынчынтæн медицинон æххуысы райдайæнмæ рæстæг фæцыбырдæр кæнынæн æмæ медицинон лæггæдты хæрзхъæд æххуыс фæбæрзонддæр кæнынæн. Делегацийы сæргъы уыдис Кæсæг-Балхъары Республикæйы æнæниздзинад хъахъхъæнынады министр Рустам Калибатов. Делегацийы къорды уыдысты, амбулаторон æмæ æвæстиаты æххуысы дæсны специалисттæ, республикæйы егъаудæр медицинон организациты разамонджытæ æмæ минæвæрттæ. Кæсæг-Балхъары медицинæйы æвæстиаты æххуысы архайд медицинон службæты куыстмæ дæр хуыздæр практикæйæн хаст æрцыд. Фембæлды рæстæг Хуссар Ирыстоны профилон специалисттимæ арæзт цыдысты ныхасы æмбырдтæ, æвæстиаты медицинон æххуыс æмæ оптимизацийы процессты мадзæлттыл кæм æрдзырдтой, ахæмтæ. Дыууæрдыгæй дæр фæнысан кодтой сæ дарддæры вазыгджын æмгуыстады архайды гæнæнтæ, æвæстиат æххуысы системæйы рæзты фарстатæ.
Саутæты Тамилæ
