Горæтаг æмбырды депутаттæ æмхъæлæсæй Дзæуджыхъæуы сæргълæууæгæй равзæрстой Милдзыхты Вячеславы. 2021 азæй Милдзыхы-фырт уыд Дзæуджыхъæуы бынæттон хиуынаффæйады администрацийы сæргълæууæг. Муниципалон скондты реформæмæ гæсгæ горæты разамонæг æмæ администрацийы хицауаы бынæттæ баиу уыдзысты.
Депутаттæ ма равзæрстой Дзæуджыхъæуы Минæвæртты æмбырды сæрдары дæр. Æмхуызонæй сæ хъæлæстæ радтой «Иугонд Уæрæсе»-йы партийы фракцийы уæнг Таболты Сергейæн.
