Æппæтуæрæсеон политикон парти «Иугонд Уæрæсе»-йы ног Адæмон программæйы сæйраг здæхттæй иу у хæстон быцæуы ветерантæн – сæрмагонд æфсæддон операцийы архайджытæ æмæ сæ бинонтæн алывæрсыг æххуыс. Уый тыххæй йæ телеграм-каналы фехъусын кодта РЦИ-Аланийы Сæргълæууæг Сергей Меняйло.
Документ æвдисы, хæстонтæ æмæ сæ хиуæттæн кæй бацæттæ кодтой, уыцы мадзæлттæ – профессион цæттæдзинад æмæ сын куысты бынæттæ саразын, медицинон æмæ психологион реабилитаци, ахуырадон уагдæттæм бацæуынмæ ‘ххуыс æмæ æндæр мадзæлттæ.
Адæмон программæ хæстæгдæр къорд азы уыдзæн партийы сæйраг куыст. Ам фæбæрæг кæнын хъæуы, уыцы программæмæ хаст кæй æрцыдысты нæ бæстæйы цæрджыты, уыдонимæ – нæ республикæйы цæрджыты хъæппæристæ дæр.
«22 августы «Иугонд Уæрæсе»-йы съезды дыккаг къæпхæны æрныхас кæндзыстæм уæлæмхасæн мадзæлттыл, се ‘хсæн – Уæрæсейы Президент кæй фæнысан кодта, уыдоныл дæр Уый фæстæ схъæлæс кæндзыстæм документы кæронгæнæн вариантыл», – загъта Сергей Меняйло.
Нæ уацхæссæг
