УФ-йы Национ гвардийы æфсæдты Жуковы номыл Цæгат-Кавказы зылды командыгæнæг инæлар-булкъон Владимир Спиридонов йæ куысты фæдыл бабæрæг кодта Республикæ Цæгат Ирыстон-Аланийы дæлхайæдты. Цæгат-Кавказы зылды командыгæнæг аргъгæнæджы цæстæнгасæй æркаст гвардионты службæ æмæ царды уавæртæм, материалон-техникон ифтонгадмæ.
Уыдис æмæ æркаст УФ-йы Национ гвардийы æфсæдты федералон службæйы цæгатирыстойнаг управленийы сæрмагонд дæлхайæдтæ – СОБР «Нарт» æмæ ОМОН «Ирбис», стæй регионы æндæр рæттæй цы æфсæддон хæйттæ ис, уыдоны куыст æмæ архайдмæ.
Йæ балцы сæйрагдæр нысан уыд Уæрæсейы гвардионтæй службæйы чи фесгуыхт, уыдонæн паддзахадон хæрзиуджытæ раттын.
Сæ æфсæддон хæстæ æнтыстджынæй, лæгдзинад, æхсар æмæ бæрзонд дæсныдзинад æвдисгæйæ чи æххæст кодта, ахæм фараст гвардионæн Цæгат-Кавказы зылды командыгæнæг кадджын уавæры саккаг кодта «Æхсæнадон æгъдау хъахъхъæныны фесгуыхты тыххæй» æмæ Жуковы майдантæ.
Йæ балцы кæрон инæлар-булкъон Владимир Спиридонов командыгæнджыты размæ сæвæрдта хæстæгдæр рæстæджы æххæстгæнинаг нысантæ.
УФ-йы Национ гвардийы æфсæдты федералон службæйы
цæгатирыстойнаг управленийы пресс-службæ
