«Бадзырд сфидар кодтой Донецкы. Хуссар Ирыстоны æмæ Донецкы Адæмон Республикæйы разамонджытæ Бибылты Анатоли æмæ Александр Захарченко сæ къухтæ æрæвæрдтой документы. Дыууæ паддзахады адæмты национ интерестæ нымайгæйæ, бадзырд сфидар кодтой Донецкы Адæмон Республикæйы æмæ Республикæ Хуссар Ирыстоны æхсæн ахастдзинæдтæ ног къæпхæнмæ сисыны нысанимæ. Документы 23 статьяйы баст сты æддагон политикæимæ, экономикæ, базарад, фыдракæндтимæ тох, культурæ æмæ ахуырадимæ.
10 азы æмгъуыдмæ фидаргонд бадзырды архайды æмгъуыд адаргъ кæнæн ис. Уæвæн ис, æмæ документмæ хицæн уæлæмхасæнтæ бафтаудзысты. Донецкы Адæмон Республикæ расидыны цауыл æртæ азы кæй сæххæст, уый кадæн Донецкы арæзт бæрæгбонмæ æрбахуыдтой Хуссар Ирыстоны делегаци. Балцы рæстæг бафыстой Хуссар Ирыстоны æмæ Донецкы Адæмон Республикæйы æхсæн дипломатон ахастдзинæдтæ сфидар кæныны тыххæй суагъæ дæр», — фыст ис Хуссар Ирыстоны
Президенты пресс-службæйы хъусынгæнинаджы.
